«Qazaqfil'm» kinostudiyası janındağı «Debyut» şığarmaşılıq-öndiristik birlestigi scenariyler  bayqauınıñ jeñimpazdarın jariyaladı dep habarlaydı «Qazaqfil'm» AQ baspasöz qızmeti.

Konkursqa otızdan astam qısqametrajdı körkem fil'mder scenariyleri tüsken. Olardıñ işinen bes jwmıs iriktelip alınğan bolatın.

Atap aytqanda, Qayırjanova Veneranıñ «Tığılmaq», Baymwratov Armannıñ «Taqiya», Rahmetaliev Alennıñ «Tözim», Jahanov Beriktiñ «Keşirim», sonday-aq Jılısbaeva Ardaqtıñ «Jwt» scenariyleri üzdik dep tanıldı.

«Bizge jiberilgen scenariylerdiñ işinen beseuin iriktep aldıq. Olardıñ barlığı üstimizdegi jılı öndiriske jiberiledi. Tört tuındınıñ rejisseri avtorlardıñ özderi bolmaq. Al «Jwt» scenariyin Espenbetov Jandos esimdi jas rejisserge berudi jön sanadıq. Mwnday täjiribe «Debyut» ŞÖB-de köpten beri jasalınbağan bolatın», - dedi «Qazaqfil'm» AQ Eksperttik keñesiniñ teñtörağası Bekbolat Şekerov.

Esteriñizge sala keteyik, säuirde «Qazaqfil'm» «Debyut» ŞÖB atınan scenariyler bayqauın jariyalağan bolatın. Şart boyınşa bayqauğa jas avtorlarmen qatar öz isiniñ käsibi mamandarı da qatısa alatın. Sayısqa Kenjebek Şayqaqov, Ğaziz Nasırov, Ardaq Jılısbaeva jäne Timur Maqajanovtar siyaqtı täjiribeli avtorlar da qatıstı.

“The Qazaq Times”