foto: http://bit.ly/2i8oFkm

Abaydıñ äkesi arğınnıñ Tobıqtı ruınan şıqqan Qwnanbay ekenin jwrttıñ bäri biledi. Qazaq tağı «tübin bilmegen tügin bilmeydi» deytwğın. Qwnanbaydan arı şegindirip Abaydıñ jeti atasın aytsaq, ol mınaday: Qwnanbay – Öskenbay – Irğızbay - Aydos – Oljay – Aytek, 7- atası Köşek. Osı retpen arı qaray tizbelegende 12-atası Tobıqtı boladı. Babalarımızdıñ «Er tağayına tartadı» degen sözinen eske keledi, Irğızbaydıñ bäybişesi Ermek Abaq Kereydiñ Jäntekey ruınan şıqqan äygili Jänibek batırdıñ qızı eken. Bir jolı eldiñ qasqa men jaysañdarı bas qosıp otırğan mäslihatta Abaydıñ qwrdası, bileri de bar, sözşeñ Orımbek degen adam: «Abay, osı sen qaydan aqın, qaydan jaqsı bop tudıñ? Atañ şökken tüyege mine almaytın juas deuşi ediñ?» degende, otırğan el ıñğaysızdanıp, qınjılıp qaladı. Abay säl oylanıp barıp: «Bwd bizdiñ Aydos atamızdı meñzep otır ğoy, äy, Orımbek! «Er tağayına tartadı» degen. Aqınıq, şeşendik, batırlıq – mine osı üş qasietti birdey mıqtı wstap, qazaqtan asıp tuğan – kişi jüzde Sırım batır, odan keyingi Kerey Jänibek, ol şabıttanğan kezde öleñdi at üstinen ağılta jöneletin aqın da bolğan eken. Er Jänibektiñ bir qasieti Ömskenbay, Qwnanbaydan ötip, mağan kelgen  joq dep otrsıñ ba?» depti.

Öskenbay – bwl tobıqtınıñ işinde «İsiñ adal bolsa, Öskenbayğa bar, aram bolsa, Eralığa bar» degen atalı sözdiñ şığuına sebepşi bolğan äygili ädil bi eken. Irğızbay da bi bolğan jäne jas kezinde Qoqan handığınıñ şırjırlı tüye paluanın jığıp, qazaqqa dañıq apergen mıqtı bolıptı. Biraq, ömiri qısqaraq bolğan. Abaydıñ bi bolğan ataları (Qwnanbaymen qosqanda) osı üşeui. Atalas tuıstarınan elge atağı jayılğan adamdardı ayta ketsek, ol mınaday: «añızğa aynalğan «Qalqaman – Mamır» Qalqaman jañağı Oljaymen birge tuısqan kisi, sonıñ inisi. YAğni, Abaydıñ altınşı atası Aytektiñ ekinşi wlı bolatın. Arğında «änet baba» atalğan ülken bi – Änet Abaydıñ jetinşi atası Köşektiñ (keyde Kişik delinedi) bir wlı.

Tobıqtıda wzaq jıl bi bolğan adam Keñgirbay. Ol bilik ornın öz balasına bermey, keñ peyildilik jäne köregendik tanınıp, äueli Irğızbayğa, onansoñ Öskenbayğa bergen. Keñgirbaydıñ äkesi Jigittek, ol Irğızbaydıñ äkesi Aydospen tuısqan.

“Belester belgisi” kitabınan