KazSat jer serigi iske qosılğalı beri qazaqstandıqtar jılına $45 million dollar ünemdep otırğan. Sonımen qatar, qazaqstandıq jer serigi memleketke 14,7 milliard teñge payda äkelgen. Bwl turalı qorğanıs jäne aeroğarıştıq salalardıñ ministri  Beybit Atamqwlov mäjiliste ötken ükimettik sağatta mälimdedi.

Ministrdiñ aytuınşa, eger şeteldik jer serikterin qoldanatın bolsaq, olardıñ qızmetine jıl sayın $45 million dollar töleu qajet boladı.

KazSat ğarıştıq jabdığı 2006 j. mausımnıñ 18-inde Bayqoñır aylağınan Resey jäne Qazaqstan prezidentteriniñ qatısuımen wşırıldı.

KazSat-tıñ wşırıluınan bastap Qazaqstannıñ ğarıştıq bağdarlamaların iske asıru bastaladı.

KazSat Jer serigi 72 MHz ötkizgiştik jolağımen 40 W jäne 90 W Ku-diapazonındağı 12 transponderlermen jabdıqtalğan. Jer seriginiñ qamtu aymağı Qazaqstannıñ aumağın, Ortalıq Aziya respublikaların, Kavkazdı, Reseydiñ ortalıq böligin qamtidı.

Jer seriginiñ apparaturası kişi diametrdegi antendik jüyelerge dabıldıñ jaqsı qabıldauın qamtamasız etedi.

KazSat teleradiohabarların taratu arnaları, telefondıq baylanıs, derekterdi beru, Internet jelisine keñjolaqtı qol jetkizu, VSAT-jelilerdi qwru jäne damıtu, vedomstvolıq jäne korporativtik baylanıs jelilerin qwru, mul'timediyalıq qızmetter paketin körsetu üşin arnalğan.

“The Qazaq Times”