KazSat جەر سەرىگى ىسكە قوسىلعالى بەرى قازاقستاندىقتار جىلىنا $45 ميلليون دوللار ۇنەمدەپ وتىرعان. سونىمەن قاتار، قازاقستاندىق جەر سەرىگى مەملەكەتكە 14,7 ميلليارد تەڭگە پايدا اكەلگەن. بۇل تۋرالى قورعانىس جانە اەروعارىشتىق سالالاردىڭ ءمينيسترى بەيبىت اتامقۇلوۆ ماجىلىستە وتكەن ۇكىمەتتىك ساعاتتا مالىمدەدى.
ءمينيستردىڭ ايتۋىنشا، ەگەر شەتەلدىك جەر سەرىكتەرىن قولداناتىن بولساق، ولاردىڭ قىزمەتىنە جىل سايىن $45 ميلليون دوللار تولەۋ قاجەت بولادى.
KazSat عارىشتىق جابدىعى 2006 ج. ماۋسىمنىڭ 18-ىندە بايقوڭىر ايلاعىنان رەسەي جانە قازاقستان پرەزيدەنتتەرىنىڭ قاتىسۋىمەن ۇشىرىلدى.
KazSat-تىڭ ۇشىرىلۋىنان باستاپ قازاقستاننىڭ عارىشتىق باعدارلامالارىن ىسكە اسىرۋ باستالادى.
KazSat جەر سەرىگى 72 MHz وتكىزگىشتىك جولاعىمەن 40 W جانە 90 W Ku-دياپازونىنداعى 12 ترانسپوندەرلەرمەن جابدىقتالعان. جەر سەرىگىنىڭ قامتۋ ايماعى قازاقستاننىڭ اۋماعىن، ورتالىق ازيا رەسپۋبليكالارىن، كاۆكازدى، رەسەيدىڭ ورتالىق بولىگىن قامتيدى.
جەر سەرىگىنىڭ اپپاراتۋراسى كىشى ديامەتردەگى انتەندىك جۇيەلەرگە دابىلدىڭ جاقسى قابىلداۋىن قامتاماسىز ەتەدى.
KazSat تەلەراديوحابارلارىن تاراتۋ ارنالارى، تەلەفوندىق بايلانىس، دەرەكتەردى بەرۋ، ينتەرنەت جەلىسىنە كەڭجولاقتى قول جەتكىزۋ، VSAT-جەلىلەردى قۇرۋ جانە دامىتۋ، ۆەدومستۆولىق جانە كورپوراتيۆتىك بايلانىس جەلىلەرىن قۇرۋ، مۋلتيمەديالىق قىزمەتتەر پاكەتىن كورسەتۋ ءۇشىن ارنالعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى