Foto: digitaltrends.com

Facebook kompaniyası özine tiesili onlayn servisterdi biriktirudi közdep otır.  Instagram men Messenger bağdarlamaların biriktiretin bağdarlama sınaqtan ötkizilude.

Qazirgi tañda eki bağdarlamadağı oqılmağan hattardıñ esepteu jwmıstarı jürgizilip jatır. Adamğa kelgen barlıq habarlamalar bir bağdarlamağa toptastırıladı, yağni negizgi betti basqanda akkauntqa kerekti hattardıñ barlığı şığıp jäne olardıñ qay äleumettik jeliden kelgendigi de körsetilip twradı. Bağdarlama qwrastıruşılarınıñ pikirinşe, bwl joba arqılı barlıq messendjerlerdi qoldanu - ıqşamdı äri jeñil boladı.

Büginde sarapşılar qoldanuşılar üşin asa qızıqtı taqırıptardıñ qanday ekendikterin anıqtap, zerttep jatır. Sol arqılı Facebook, Instagram jäne  Messenger bağdarlamaların qoldanğanda bir-birinen oñay ötuge mümkindik beretin joldarı da qarastırıluda.

“The Qazaq Times”