Foto: time.kz

Qazaqstannıñ Wlttıq banki 24 mamır küni Äzerbayjan halıqaralıq bankine salınğan zeynetaqı jinaqtarına qatıstı jağdaydı tüsindiredi. Bwl turalı bank törğası Daniyar Aqışev mälimdedi.

«Erteñ Almatıda baspasöz konferenciyası ötedi, sol kezde swraqtarğa jauap beremiz", - dedi Aqışev Ükimet otırısınan keyin  jurnalisterge.

«BJZQ jağdayı jwmıs tärtibinde bar, ükimet, prem'er-ministr, memleket basşısına habarlanu kerek, sodan keyin barıp şeşim qabıldanğan soñ Wlttıq bank aqparattı tolıq wsınadı", - dedi ol.

Ayta keteyik, bwğan deyin Äzerbayjannıñ bankrottıq  jağdayda twrğan bankine qazaqstandıqtardıñ 71,3 mld teñge zeynetaqı jinaqtarı salınğanı turalı habarlanğan. Endi qazaqstandıqtar "salınğan qarjı qaytpay qaluı mümki"n dep qauiptenip otır.  Degenmen Äzerbayjan biligi "qarajat qaytarıladı" deydi.

“The Qazaq Times”