Instagram Foto: goldenvoiceshow.com

Britandıq ğalımdar Instagram-dı densaulıqqa eñ qauipti äleumettik jeli dep atadı. Bwl turalı bügin jariyalanğan RSPH – jastardıñ densaulığı men äleumettik jağdayın qadağalaytın wyım ökilderi mälimdedi.

Äleumettik jelilerdiñ adam densaulığına ziyanın anıqtau maqsatında jürgizilgen saualnamağa 14-24 jas aralığındağı 1 mıñ 479 adam qatısqan. Jastardan özderi jii paydalanatın äleumettik jeliler jayında jäne olardı paydalanğannan keyin qanday äserde bolatını turalı oyları swrastırılğan. Jäne kez-kelgen saualnamağa qatısuşıdan «jalğızdıq», «depressiya», «qobalju», «mazaq bolu», «imidj qalıptastıru» sekildi kilt sözderdi qalay tüsinetindikterin jäne osı sekildi 14 swraq qoyılğan bolatın.

Zertteu barısında swrastırılğan YouTube, Instagram, Snapchat, Facebook jäne Twitter sekildi äleumettik jelilerdiñ işinde eñ jağımdı äser qaldıratını - YouTube äleumettik jelisi bolğan. Al qalğan äleumettik jeliler Twitter, Facebook, Snapchat, Instagram psiholgiyalıq ıqpalı jağınan asa paydalı emestigi anıqtalğan.

Joba avtorlarınıñ esepteuinşe, 16-24 jas aralığındağı jastardıñ 91 payızı äleumettik jelilerdi paydalanadı eken.

Ğalımdar keltirgen bayandamada: «Äleumettik jeliler temeki men alkogol'ge qarağanda edäuir qauipti bolıp keledi. Soñğı 25 jıldıñ işinde jastar arasındağı depressiya men psihologiyalıq küyzelis 70 payızğa artqan. Äleumettik jeliler qobalju, küyzelis, wyqınıñ bwzıluına alıp keletin eñ negizgi faktordıñ biri bolıp tabıladı» - delingen.

“The Qazaq Times”