ينستاگرام فوتو: goldenvoiceshow.com

بريتاندىق عالىمدار Instagram-دى دەنساۋلىققا ەڭ قاۋىپتى الەۋمەتتىك جەلى دەپ اتادى. بۇل تۋرالى بۇگىن جاريالانعان RSPH – جاستاردىڭ دەنساۋلىعى مەن الەۋمەتتىك جاعدايىن قاداعالايتىن ۇيىم وكىلدەرى مالىمدەدى.

الەۋمەتتىك جەلىلەردىڭ ادام دەنساۋلىعىنا زيانىن انىقتاۋ ماقساتىندا جۇرگىزىلگەن ساۋالناماعا 14-24 جاس ارالىعىنداعى 1 مىڭ 479 ادام قاتىسقان. جاستاردان وزدەرى ءجيى پايدالاناتىن الەۋمەتتىك جەلىلەر جايىندا جانە ولاردى پايدالانعاننان كەيىن قانداي اسەردە بولاتىنى تۋرالى ويلارى سۇراستىرىلعان. جانە كەز-كەلگەن ساۋالناماعا قاتىسۋشىدان «جالعىزدىق»، «دەپرەسسيا»، «قوبالجۋ»، «مازاق بولۋ»، «يميدج قالىپتاستىرۋ» سەكىلدى كىلت سوزدەردى قالاي تۇسىنەتىندىكتەرىن جانە وسى سەكىلدى 14 سۇراق قويىلعان بولاتىن.

زەرتتەۋ بارىسىندا سۇراستىرىلعان YouTube, Instagram, Snapchat, Facebook جانە Twitter سەكىلدى الەۋمەتتىك جەلىلەردىڭ ىشىندە ەڭ جاعىمدى اسەر قالدىراتىنى - YouTube الەۋمەتتىك جەلىسى بولعان. ال قالعان الەۋمەتتىك جەلىلەر Twitter, Facebook, Snapchat, Instagram پسيحولگيالىق ىقپالى جاعىنان اسا پايدالى ەمەستىگى انىقتالعان.

جوبا اۆتورلارىنىڭ ەسەپتەۋىنشە، 16-24 جاس ارالىعىنداعى جاستاردىڭ 91 پايىزى الەۋمەتتىك جەلىلەردى پايدالانادى ەكەن.

عالىمدار كەلتىرگەن باياندامادا: «الەۋمەتتىك جەلىلەر تەمەكى مەن الكوگولگە قاراعاندا ەداۋىر قاۋىپتى بولىپ كەلەدى. سوڭعى 25 جىلدىڭ ىشىندە جاستار اراسىنداعى دەپرەسسيا مەن پسيحولوگيالىق كۇيزەلىس 70 پايىزعا ارتقان. الەۋمەتتىك جەلىلەر قوبالجۋ، كۇيزەلىس، ۇيقىنىڭ بۇزىلۋىنا الىپ كەلەتىن ەڭ نەگىزگى فاكتوردىڭ ءبىرى بولىپ تابىلادى» - دەلىنگەن.

“The Qazaq Times”