Japoniya özbek medbikelerin jwmısqa şaqıradı

Japoniya özbek medbikelerin jwmısqa şaqıradı

Japoniyanıñ äleumettik qamtamasız etu korporaciyası Özbekstannan medbikelerdi jwmısqa tartuğa nietti. Bwl mäsele Özbekstannıñ eñbek jäne äleumettik qorğau ministri Aziz Abduhakimov pen Japoniyanıñ äleumettik qamtamasız etu korporaciya ökilderi arasında talqılanıp jatır.

centralasian.org habarlağanday, kelissözden keyin mıñğa juıq özbekstandıq medbike Japoniyağa jwmıs isteuge baradı dep josparlanıp otır. «Japoniyada bala tuu tömendep jatır. Onda qariyalardı kütetin adam jetispeydi. Osı tapşılıqtıñ ornın toltıru üşin japondıq korporaciya arnayı bağdarlama äzirlep, özbekstandıqtardı jwmısqa tartqısı keledi», -dedi eñbek ministrliginiñ ökili.

Onıñ sözderinşe, japoniyalıq delegaciya wzaq merzimdi ıntımaqtastıq ornatqımız keledi dep mälimdegen. Qazirgi uaqıtta jwmısşılardıñ ortaşa jası, qoyılatın talaptar, biligi talqılanıp jatır eken. Mwnan bölek Özbekstannıñ birqatar medicinalıq kolledjinde japon tilin engizu mümkindigi qarastırılıp jatqan körinedi.

«İrikteu kezinde jwmısşınıñ medicinalıq bilimi onşalıqtı mañızdı bolmaydı. Japondıqtar bwl üşin arnayı kurstan ötui jetkilikti deydi. Olar qazirdiñ özinde japon tilin azdap biletin 35 medbikeni ertip ketuge dayar eken», - deydi ministrlik ökili.

Atalğan japoniyalıq korporaciya auruhana, qarttar üyi jäne demalıs orındarında qariyalarğa kütim jasau qızmetimen aynalısadı.

qazaqtimes.com