Foto: star-cinema.kz

Almatı qalasınıñ Qwlja tasjolında salınatın "Aport" sauda, oyın-sauıq ortalığınıñ qwrılısı 2018 jıldıñ kökteminde bastaladı. Bwl turalı Eurasia Red kompaniyasınıñ direktorı Dmitriy Revin habarladı.

«Kelesi jılı köktemde Qwlja tasjolındağı Aport molldıñ qwrılısı bastaladı. 2019 jılı barlıq qwrılıs jwmıstarı ayaqtaladı dep otırmız. Bizdiñ esebimiz boyınşa jaña ortalıqtıñ aumağı 100 mıñ şarşı metrdi qwraydı. Osıdan keyin Rayımbek dañğılındağı sauda ortalığınan barlığı jaña sauda ortalığına köşiriledi", - deydi Dmitriy Revin.

Onıñ sözinşe, qwrılıs jwmıstarın qazaqstandıq jäne şeteldik kompaniyalar jürgizedi. "Qwlja trassasında molldı salu üşin jer telimi satıp alındı, dizayn jobası bekitildi. Jobanıñ tolıq iske qosıluına on million dollardan asa qarjı jwmsaladı", - dedi Revin.

Bwğan deyin 2016 jılı jaña "Aport" molldıñ qwrılısı 2020 jıldıñ kökteminde ayaqtaladı dep habarlanğan. Ayta keteyik, Rayımbek dañğılındağı Aport 2009 jılı aşılğan. Bwl sauda, oyın-sauıq ortalığı Qazaqstandağı eñ ülken sauda keşeni. Jalpı aumağı 80 mıñ şarşı metrdi qwraydı.

“The Qazaq Times”