فوتو: star-cinema.kz

الماتى قالاسىنىڭ قۇلجا تاسجولىندا سالىناتىن "اپورت" ساۋدا، ويىن-ساۋىق ورتالىعىنىڭ قۇرىلىسى 2018 جىلدىڭ كوكتەمىندە باستالادى. بۇل تۋرالى Eurasia Red كومپانياسىنىڭ ديرەكتورى دميتري رەۆين حابارلادى.

«كەلەسى جىلى كوكتەمدە قۇلجا تاسجولىنداعى اپورت موللدىڭ قۇرىلىسى باستالادى. 2019 جىلى بارلىق قۇرىلىس جۇمىستارى اياقتالادى دەپ وتىرمىز. ءبىزدىڭ ەسەبىمىز بويىنشا جاڭا ورتالىقتىڭ اۋماعى 100 مىڭ شارشى مەتردى قۇرايدى. وسىدان كەيىن رايىمبەك داڭعىلىنداعى ساۋدا ورتالىعىنان بارلىعى جاڭا ساۋدا ورتالىعىنا كوشىرىلەدى", - دەيدى دميتري رەۆين.

ونىڭ سوزىنشە، قۇرىلىس جۇمىستارىن قازاقستاندىق جانە شەتەلدىك كومپانيالار جۇرگىزەدى. "قۇلجا تراسساسىندا موللدى سالۋ ءۇشىن جەر تەلىمى ساتىپ الىندى، ديزاين جوباسى بەكىتىلدى. جوبانىڭ تولىق ىسكە قوسىلۋىنا ون ميلليون دوللاردان اسا قارجى جۇمسالادى", - دەدى رەۆين.

بۇعان دەيىن 2016 جىلى جاڭا "اپورت" موللدىڭ قۇرىلىسى 2020 جىلدىڭ كوكتەمىندە اياقتالادى دەپ حابارلانعان. ايتا كەتەيىك، رايىمبەك داڭعىلىنداعى اپورت 2009 جىلى اشىلعان. بۇل ساۋدا، ويىن-ساۋىق ورتالىعى قازاقستانداعى ەڭ ۇلكەن ساۋدا كەشەنى. جالپى اۋماعى 80 مىڭ شارشى مەتردى قۇرايدى.

“The Qazaq Times”