Otbasındağı janjal Foto: mydim.ua

Almatı oblısı İşki ister departamentiniñ baspasöz qızmeti bergen aqparatqa säykes, öñirde soñğı eki künniñ işinde iz-tozsız ketken 22 adam tabıldı.

Olardıñ segizi kämiletke tolmağan jasöspirimder eken.

Jergilikti departament ökilderiniñ aytuınşa, joğalğan jasöspirimderdiñ barlığı derlik otbasında bolğan kikiljiñderge baylanıstı üylerinen qaşıp ketken.

Almatı oblısındağı Ekpindi auılınıñ joğarğı sınıp oquşısı üyden qaşıp ketip, eki kün ötkende körşi audannan tabılsa, wqsas sebeptermen üyinen ketken tağı bir mektep oquşısı Tarazdan tabılıp otır.

Al, bügin tünde Taldıqorğan qalasınan tabılğan 12 jasar jasöspirim Kerbwlaq audanındağı üyinde bolğan janjaldan keyin joğalıp ketken eken.

Bwl tek soñğı eki künde bolğan jağdaylar ekenin eskersek,  ata-analar men balalardıñ arasındağı tüsinispeuşiliktiñ uşığuınan, balalardıñ üyden ketip qaluı jiiligen. Bwl jergilikti bölimşe policeyleriniñ jwmısın qiındatıp qana qoymay, jasöspirimderdiñ ömirine de qauip töndiretin jağday.

“The Qazaq Times”