جاسوسپىرىمدەر نەگە جوعالىپ جاتىر؟

الماتى وبلىسى ىشكى ىستەر دەپارتامەنتىنىڭ ءباسپاسوز قىزمەتى بەرگەن اقپاراتقا سايكەس، وڭىردە سوڭعى ەكى كۇننىڭ ىشىندە ءىز-توزسىز كەتكەن 22 ادام تابىلدى.

ولاردىڭ سەگىزى كامىلەتكە تولماعان جاسوسپىرىمدەر ەكەن.

جەرگىلىكتى دەپارتامەنت وكىلدەرىنىڭ ايتۋىنشا، جوعالعان جاسوسپىرىمدەردىڭ بارلىعى دەرلىك وتباسىندا بولعان كيكىلجىڭدەرگە بايلانىستى ۇيلەرىنەن قاشىپ كەتكەن.

الماتى وبلىسىنداعى ەكپىندى اۋىلىنىڭ جوعارعى سىنىپ وقۋشىسى ۇيدەن قاشىپ كەتىپ، ەكى كۇن وتكەندە كورشى اۋداننان تابىلسا، ۇقساس سەبەپتەرمەن ۇيىنەن كەتكەن تاعى ءبىر مەكتەپ وقۋشىسى تارازدان تابىلىپ وتىر.

ال، بۇگىن تۇندە تالدىقورعان قالاسىنان تابىلعان 12 جاسار ءجاسوسپىرىم كەربۇلاق اۋدانىنداعى ۇيىندە بولعان جانجالدان كەيىن جوعالىپ كەتكەن ەكەن.

بۇل تەك سوڭعى ەكى كۇندە بولعان جاعدايلار ەكەنىن ەسكەرسەك،  اتا-انالار مەن بالالاردىڭ اراسىنداعى تۇسىنىسپەۋشىلىكتىڭ ۋشىعۋىنان، بالالاردىڭ ۇيدەن كەتىپ قالۋى جيىلىگەن. بۇل جەرگىلىكتى بولىمشە پوليتسەيلەرىنىڭ جۇمىسىن قيىنداتىپ قانا قويماي، جاسوسپىرىمدەردىڭ ومىرىنە دە قاۋىپ توندىرەتىن جاعداي.

“The Qazaq Times”