"Bir beldeu, bir jol" halıqaralıq forumına qatısqan el basşıları. Foto: "Xinhua.net

Qıtay astanası Beyjiñde 14 mamır küni «Bir beldeu, bir jol» (一带一路/ One Belt, One Road) halıqaralıq ıntımaqtastıq forumı» aşılu saltı bolıp ötti. Qıtay basşısı Şi Jinpiñ älemniñ är elinen kelgen memleket basşıların jeke-jeke qabıldadı. Qazaqstan Respublikasınıñ prezidenti Nwrswltan Nazarbaev ta Beyjiñge  saparlay barıp, Qıtay basşısımen kezdesu otırısında boldı.

«Şinhua» agenttiginiñ habarlauınşa, atalğan forumğa älemniñ 29 elinen memleket basşıları kelip qatıstı. Oğan qosa 130 elden 1500 delegat qatıstı. Forumnıñ aşılu sözin söylegen Qıtay basşısı «Bir beldeu, bir jol» bağdarlamasınıñ «Euraziya ekonomikalıq odağı», «Ortalıq koridor» qatarlı köp eldiñ ortağa qoyğan ekonomikalıq jobalarına säykes keletinin atap ötti. Sonday-aq, bayırğı Jibek Jolınıñ erte, orta ğasırlardağı dünie üşin mañızdılığına toqtala kelip, jaña zamanda da Jibek jolın jañğırtatın «Bir beldeu, bir jol» bağdarlamasınıñ Aziya, Europa, Afrika tipti Tınıq mwhit elderi ekonomikasında twtastıratının aytıp ötti.

Prezident Nwrswltan Nazarbaev Qıtay basşısımen kezdesti. Foto: Xinhua.net

14 mamır küni, atalğan forumğa qatısu üşin prezidenti Nwrswltan Nazarbaev bastağan Qazaqstan Respublikasınıñ delegattarı Şi Jinpiñ jäne Qıtay ükimetiniñ joğarı lauazımdılarımen kezdesti. Arnayı kezdesu otırısı Beyjiñdegi «Halıq sarayında» bolıp ötti.

“The Qazaq Times”