Qıtay basşısınıñ Europadağı saparınan keyin, Europa elderindegi Qıtay elşilikteri «Bir beldeu, bir jol» bağdarlaması turalı talqı mäjilisterdi wyımdastıra bastadı.

Bwdan bir apta bwrın Qıtay basşısı Şi Jinpiñ Italiya, Monako jäne Franciya qatarlı elderde saparlay barıp, Qıtaydıñ Europadağı sayasi-ekonomikalıq ıqpalınıñ arttıruğa tırısqan edi. Qıtay basşısınıñ saparı turalı batıstıq aqparat qwraldarı türli saraptaular jasadı. Alayda, Franciyadağı jüzdesuden keyin Qıtay basşısınıñ maqsatı tolıq iske aspadı degen pikirler köp boldı.

Degenmen osı aptada Europadağı Qıtay elşilikteri «Bir beldeu, bir jol» bağdarlaması boyınşa talqı jiındar ötkizude. Äsirese, Qıtaydıñ Şığıs jäne Ortalıq Europa elderindegi elşilikteri tarabınan mwnday jwmıstar qızu jürilude. 3 säuir küni Slovakiyada Qıtay elşiliginiñ wyımdastıruımen atalğan mazmwndağı jinalıstar ötti. Sonımen qatar, aldağı uaqıtta körşiles birqatar europalıq elderde jalğastıru közdelgen.

“The Qazaq Times”