Qıtay armiyası jäne şıñjañdıq wyğır wltınıñ ökili

29 jeltoqsan, Beysenbi, «Guardian» jäne «Daily Telegraph» qatarlı onlayın basılımdar Şınjañda tağı da ükimetke qarsı «zorlıqtı küş» oqiğası tuılğanın jarısa habarladı. Bwl turalı "The New York Times" arnayı şolu jariyaladı.

«Guardian» basılımı Şınjañnıñ jerlik ükimetiniñ sözine däyekteme keltire otırıp, bir topa adamnıñ ükimet üyine avtokölikpen şabuıl jasağanın mälimdedi.

Habarğa negizdelgende, resurstarğa bay Orta Aziyağa jaqın ornalasqan Şınjañda, mwsılman wyğırlar men han wltı arasındağı qaqtığıstardan neşe jüzdegen adam qaza bolğan.

«Guardian» basılımınıñ aytuınşa, Şınjañdağı naqtı jağday jöninde şetel jurnalisteriniñ zerttep, aqparat taratuı jerlik ükimet jağınan şekteuge wşırağan. Sondıqtan, osı öñirde täuelsiz twrğıda jurnalistik zertteu jasau mümkin emes. Jergilikti aqparat qwraldarı «Şınjañnıñ tınıştığı 2016 jılda bir qalıptı boldı, küşti şabuıldar men zorlıq-zombılıq isteri tuılmadı» dep habarlağan bolatın.

Alayda, «Daily Telegraph»-tıñ aytuına qarağanda, Tyan'-Şan' öñirinde tuılğan bwl oqiğa, soñğı birneşe aydağı adam ölimi jüz bergen birden-bir şabuıl oqiğası bolıp otır.

Atalğan basılım jäne de, «Şınjañ ükimeti jergilikti BAQ-tı qatañ baqılauda wstap otır, esesine, özderine tiimdi ügit-nasihat tebinin barınşa arttırıp otır. Soñğı jıldarı Şınjañnıñ beybit twrğındarına qaratqan şabuıldarı köptep tuıldı. El işindegi aqparat ökilderi, «bwl öqiğalarğa, jerlik wyğır wltınıñ arasındağı zorlıqşıl toptar ayıptı» dep habarlaumen keledi. «Beyjiñ qalasındağı jarılıs oqiğası da solardıñ moynında» dep jazdı.

Al, Qıtaydıñ resmi aqparat ortalığınıñ sözine süyensek, bwl retki şabuılşılar «qaraqşılar» men «terroristerden» qwralğan.

«Guardian» basılımı birneşe sınşılardıñ pikirin de köldeneñ tarta otırıp, Şınjañ isinde Qıtay ükimetiniñ marginaldau josparı men wyğırlarğa qaratqan sayasatınıñ saldarı degendi aytadı. Sarapşılar tağı Beyjiñ jaq wyğırlar arasınan keybir wşqarı radikal toptardı qoldan jasay aladı degendi eskertti.

«The Qazaq Times»