Aldağı kele jatqan 25 qazandağı zañsız mitingti wyımdastırdı dep 488 baptıñ 7 tarmğımen  12 qazanda 15 täulikke qamalğan täuelsiz jurnalis ND arnasınıñ iesi Duman Mwhamedkärim bügin  6-kün aştıqta otırğan. Bügin öziniñ ündeui BAQ betine jariyalanğan soñ aştıqtı toqtattı.

Täuelsiz jurnalistiñ hatın qaz-qalpında jariyalaudı jön kördik.
Abaqtığı tüskenime bügin 6 kün boldı. Aştıq jariyalağanıma da 6 kün boldı.
Negizi bäri jospar boyınşa keledi. Men mwnıñ bärin bir ay bwrın josparlap qoyğanmın. Endi aşıp aytayın.
Özderiñiz bilesizder mına Wrılar biligi turalı men öz arnamda köp ayttım. Jüzdegen video jariyaladım. Biraq nätijesi anau aytqanday keremet bolmadı. Bilikte otırğan wrılardıñ - wrı ekenin, oppoziciyanıñ älsiz ekenin qalay däleldesem boladı? Osı swraq meni köp oylandırdı.
Söytip şamamen bir ay bwrın bir kino körip qaldım. Atı şulı Kevin Speysi tüsken fil'm. Atauı esime tüspey twr.
Bwl kinoda AQŞ azamattıq belsendileri ölim jazasın aldıru üşin köp şara wyımdastıradı. Alayda ol akciyalardan nätije bolmaydı. Aqırı älgi ölim jazasına qarsı belsendiniñ biri seriktesiniñ qolınan öledi. Seriktesi (Kevin Speysi somdağan adam) ölim jazasına kesilip, öltiriledi.
Soñınan belgili boladı. Qaza bolğan kelinşek özine özi qol salğan eken. Al, Kevin Speysi oynağan keyipker jazıqsız öltirilgen.
Osı jankeşti oqiğada AQŞ azamattıq belsendileriniñ öz senimi üşin soñına deyin twratının kördim.
Bizdiñ elde öz senimi üşin soñına deyin twratın adam bar ma?
Qasıqtay qanı qalğanşa alısatın belsendi qayda?
Bwl swraqtar mağan maza bermedi. Köp oylandırdı.
Aqırı osı «eksperimentke» nar täuekel dedim de kiristim.
Äueli QR Konstituciyasın, Qılmıstıq Kodeks, Äkimşilik Kodeks siyaqtı normativtik qwjattardı aştım. Arasında Ğalım Nwrpeyisov, Asılbek Qaraev, Rısbek Särsenbaywlı siyaqtı ağalarımmen keñestim. Olar ärine meniñ josparlarımdı bilmedi. Mınanday söz qay zañğa qayşı? Bılay aytsam qalay? degen swraqtar qoydım.
Jurnalist retinde künde qoyılatın swraqtar bolğan soñ ağalarım oyımdı tüsinbey qalğanına senimdimin.
Söytip Zañdar «labirintin» aynalıp jürip, qazannıñ 25 küngi mitingi turalı mätin jazdım. Tüsirdim. Montajdap jariyaladım.
Marğwlan Boranbay, Danat Namazbay siyaqtı wltjandı patriottar esteriñizde şığar? Mine sol eki azamat «Maqtabas» (Vatnik) degen sözderi üşin 5 jıldan arqaladı.
Al men öz videomda bastı «maqtabas» Toqaev turalı onıñ iesi Putler (V.V.Putin) turalı ayttım. Alayda mağan ol aytqanıma qatıstı ayıp tağılğan joq. Al, eki batır 5 jıldan sottaldı. Bwl bir.
Ekinşi mısal. Janbolat Mamay, Qalas Nwrpeyisov, Qosay Mahanbaev siyaqtı jigitterge «Zañsız miting wyımdastıruşı, mitingige şaqıruşı, qatısuşı», degen ayıptar tağıldı. Alayda, olarda qılmıstıq is.
Mağan da osığan wqsas ayıp taqtı. Biraq meniki äkimşilik is.
Olardıñ isi aydan-ayğa sozılıp kele jatqanına jartı jıldan astı.
Al meniñ isim aynaldırğan 3 sağat işinde tergelip, «däleldenip», prokuror «zañdı» dep tauıp sot 15 täulikke qamay saldı. 17.10.22 küni ötken appelyaciyalıq sotta özgerissiz qaldı.
Nege wqsas ayıptau biraq nege eki türli kodeks? Jaza türi nege är türli? Älde meni 25 qazanğa deyin şwğıl jabu kerek boldı ma?
Joq, älde Janbolat, Qalas, Qosay üşeui – şortan da, Duman – şabaq pa?
Älde jurnalistti 5 jılğa japsam «abıroyım – patronday şäşiladi», dedi me eken?
Bwl eki mısalda meniñ däleldegim keldi bizdiñ elde bäri – Fars, bizdiñ elde bäri – Fal'sifikaciya ekenin.
Qarañızdar keşe ğana Putinge qarsı şıqtı. DHR men LHR-nı tanımadı degen Täbäriş Takaev bügin «Kremlden artıq dosım joq», «Orıs tili TMD tili» dep otır. Ol wlt satqını – kollaborant emey nemene?
Sodan keyinde Marğwlan Boranbay men Danat Namazbay türmege tüsti.
Janbolat Mamay, Qalas Nwrpeyisov jäne Qosay bauırım ne üşin otır?
Olar öytkeni jüyege qarsı twrdı. Adam bar – is tabıladı.
«Türmede wstay twru kerek sosın birdeñeni «tigip» - «şiritemiz», dep otır.
Meniñ de tübime jetkileri keledi. Qısqası fal'sifikaciyanı däleldegim keldi – däleldedim.
Üşinşi eksperiment ol – aştıq jariyalau. 12.10.22 küni tüski sağat 14.30 şamasında men şeşemniñ bir şını şayın iştim. Sodan beri när tatpadım. Aştıq jariyalağanımdı kele salıp uaqıtşa oqşaulau mekemesi qızmetkerlerine eskerttim.
Ertesi 13.10.22 sağat 12.00 şamasında arız jazıp berdim. Eki şart qoydım. Ol kezekten tıs Prezident saylauın toqtatu jäne meniñ 15 täulikke qamaluımdı Zañsız dep tanu. Alayda olar «qıñq» etken joq. Negizi bwl eki şarttıñ qabıldanbaytının bildim. Meniñ maqsatım kamerada otırıp Pressağa mälimdeme jasau edi. Jurnalistterdi kirgizu üşin, aldında ädeyi kürdeli şarttar qoyıp edim.
Moyındaymın, bwl josparım iske aspay qaldı. Alayda, bwl negizgi közdegenimdi aşıp berdi.
Bizdiñ bilik üşin halıq degen tobır. Al, tobır – topas. Bizdiñ elde adamnıñ qwnı joq!
«Üyim-küyim joq. Bala-şağamdı asıray almay jatırmın. Balalarımdı terezeden laqtırıp, artınan özim sekiruden basqa amalım qalmadı», dey me? Bilik onda «Asıray almaytınıñ bar nege bala tabasıñ?», dep jauap beredi.
«Ipotekamdı töley almay jatırmın özimdi örtegennen basqa jolım joq» dey me? Onda bilik jağdayıñ joq bolsa atañnıñ basına kredit alasıñ ba?» dep jauap beredi.
Sol siyaqtı «Aştıq jariyalaymın» dediñ be onda bilik «Öletin küniñdi ata-anaña aytıp qoy. Sasıtpay mäyitiñdi alıp ketsin», degendey boldı.
YAğni, meniñ däleldegim keldi. Bizdiñ elde adam – kül-qoqıs. Däleldendi!
Osı jerde ayta keteyin. Men ölmeymin. Äli küresuim kerek. Sondıqtan, «eksperimentim» men oylağanday şıqqandıqtan osı hatım äleumettik jelilerge şığa salısımen aştıqtı doğaramın.
Bilikke beker quanış sıylağım kelmeydi.
Bwl «eksperimenttiñ» tağı bir maqsatı oppoziciyanı «qalıñ wyqıdan» oyatu. Oppoziciya osı künde «Radikal emespiz», «Bilikpen mämile izdeymiz», degendi köp aytadı. Ol, Toqaev bastağan biliktiñ «Revolyuciyalıq jolmen emes, evolyuciyalıq jolmen özgeris äkelu kerek», degen sözine wqsas.
Meniñ öz basım közim jetti. QazaqSTAN siyaqtı Kremldiñ ıqpalınan şığa almay otırğan elderde evolyuciya mümkin emes. Öytkeni bizdiñ bilikte «Üñgirden şıqqan» neondertaldar otır. Bwl Wrılar biliginiñ aranı aşılıp ketken. Añsağandarı aqşa ğana.
Örkenietti, sanalı bilik bolsa evolyuciya mümkin edi. Mınalarda sana bolmasa qayda evolyuciya???
Sondıqtan oppoziciya oyansın. Biliktiñ ädiletsiz oyın şarttarın qabılday almay ma? Onda köşege şıqsın. Biz tek qana beybit şeru arqılı özgeris äkele alamız. Odan basqa jol joq. Nazarbaevtıñ 30 jılında, Toqaevtıñ 3 jılında oñ özgeris bolmadı. Aldağı 7 jılda da özgeris bolmaydı eger biz talap etpesek.
Men osı ündeuimnen keyin äli wzaq otıruım äbden mümkin.
Ol «eksperimenttiñ» jalğası boladı. Nätijesin sol kezde köremiz.
Qwrmetti ağayın!
Men ügit jürgizbeymin, mitingige şaqırmaymın. Alayda oylarıñızda bolsın qazannıñ 25 şeşuşi kün boluı kerek. Ne bilik halqına bir büyrigi bwrıp Demokratiyalı özgerister jasaydı ne biz egemendigimizden ayırılamız.
Qartayğan şağıñızda qwldıqta jürgen nemere-şöbereñizge ne aytarıñızdı bilmey otırıp qalmañız.
Al, täbäriş Taqaevqa aytqım keledi. Şınayı özgerister bolmasa, Zañsız Saylau toqtamasa Halıq – lap etemin dep twr. Bir wşqın jetpey twr. Al ol wşqın meniñ jäne mıñdağan patriot belsendilerdiñ qolında! Oyan Qazaq. Attan Qazaq, Alğa Qazaq eli!
P.S. Közim qarauıtıp, basım aynalıp äreñ jazdım. Tüsiniksiz bolsa nemese qateler kezdesse keşirim ötinemin. Aytpaqşı, qazannıñ 25 ND arnasın qarañızdar. Aldın ala jüktegen videom şığadı. 18.10.2022 10.17 Mwqamedkärim D.A.
Aytpaqşı, basım aynalıp, közim bwldırap otırıp wmıtıp ketippin.
Aqordada otırğan kollaboranttardı qızmet üşin ne aqşa üşin jaqsı köredi. Sol qızmet üşin arın satqandar armiyasında wr-toqpaq policiya «Zañdılıqtıñ» bwzıluın qadağalaytın prokurorlar jäne zañdı belşesinen basatın qarabet sottar bar.
Men bwl «eksperimentte» olardı aqşa dese arınan ayırılğan, sanasız degenerat ekenin däleldegim kelgen.
Joğarıda atalğan 5 batır, Şımkentte Zañsız sottalğan 4 batır, barlıq aymaqtarda Qañtar köterilisi boyınşa jalğan ayıp tağılğan jäne ost ükimin kütip otırğandar, sonday-aq meniñ isim – meniñ küdigimdi däleldeydi dep oylaymın,
Bwl sanasız degenerattar Aqordanıñ nwsqauımen mağan tağı ne iledi eken?
Onı sizde men de bilip otırmız!
Tübi biz jeñiske jetemiz!