Foto: 73online.ru

Qırğızstan prezidenti Sadır Japarov Reseydiñ Ul'yanov oblısındağı jol apatınan 14 qırğız azamatınıñ qaza boluına baylanıstı qırğızstandıqtarğa ündeu joldadı. Bwl turalı prezident äkimşiliginiñ baspasöz qızmeti habarladı, dep jazdı Ortalıq Aziya jañalıqtar qızmeti.

Memleket basşısı marqwmdardıñ tuıstarı men jaqındarı köñil aytıp, 23 tamızdı aza twtu küni dep belgiledi.

"Jol apatınan qaza bolğandar men zardap şekkenderdiñ tuıstarı men jaqındarına mindetti türde kömek körsetiledi. Qwrmetti otandastar, bwl oqiğa - bükil halıqtıñ qasireti, sol sebepti 23 tamızdı Qırğız Respublikası aumağında Jalpıhalıqtıq aza twtu küni dep jariyalaymın", - dep mälimdedi Japarov.

Bwğan qosa, Qırğızstan prezidenti Reseydiñ Ul'yanov oblısındağı jol apatında qaza bolğan qırğızstandıqtardıñ süyegin arnayı wşaqpen elge jetkizudi tapsırdı.

Memleket basşısınıñ baspasöz hatşısı Erbol Swltanbaevtıñ aytuınşa, sırtqı ister ministrligi men tötenşe jağdaylar jönindegi ministrligine, sonımen birge "Manas" halıqaralıq äuejayına osınday tapsırma berildi. Ol qaza bolğandardıñ tuıstarı men jaqındarına köñil ayttı.

Eske salayıq, 21 tamızda Reseydiñ Ul'yanov oblısında jol apatı bolıp, 16 adam opat boldı, olardıñ 14-i - Qırğızstan azamatı. Üş qırğızstandıq auruhanağa tüsti.