قىرعىزستان پرەزيدەنتى سادىر جاپاروۆ رەسەيدىڭ ۋليانوۆ وبلىسىنداعى جول اپاتىنان 14 قىرعىز ازاماتىنىڭ قازا بولۋىنا بايلانىستى قىرعىزستاندىقتارعا ۇندەۋ جولدادى. بۇل تۋرالى پرەزيدەنت اكىمشىلىگىنىڭ ءباسپاسوز قىزمەتى حابارلادى، دەپ جازدى ورتالىق ازيا جاڭالىقتار قىزمەتى.
مەملەكەت باسشىسى مارقۇمداردىڭ تۋىستارى مەن جاقىندارى كوڭىل ايتىپ، 23 تامىزدى ازا تۇتۋ كۇنى دەپ بەلگىلەدى.
"جول اپاتىنان قازا بولعاندار مەن زارداپ شەككەندەردىڭ تۋىستارى مەن جاقىندارىنا مىندەتتى تۇردە كومەك كورسەتىلەدى. قۇرمەتتى وتانداستار، بۇل وقيعا - بۇكىل حالىقتىڭ قاسىرەتى، سول سەبەپتى 23 تامىزدى قىرعىز رەسپۋبليكاسى اۋماعىندا جالپىحالىقتىق ازا تۇتۋ كۇنى دەپ جاريالايمىن", - دەپ مالىمدەدى جاپاروۆ.
بۇعان قوسا، قىرعىزستان پرەزيدەنتى رەسەيدىڭ ۋليانوۆ وبلىسىنداعى جول اپاتىندا قازا بولعان قىرعىزستاندىقتاردىڭ سۇيەگىن ارنايى ۇشاقپەن ەلگە جەتكىزۋدى تاپسىردى.
مەملەكەت باسشىسىنىڭ ءباسپاسوز حاتشىسى ەربول سۇلتانباەۆتىڭ ايتۋىنشا، سىرتقى ىستەر مينيسترلىگى مەن توتەنشە جاعدايلار جونىندەگى مينيسترلىگىنە، سونىمەن بىرگە "ماناس" حالىقارالىق اۋەجايىنا وسىنداي تاپسىرما بەرىلدى. ول قازا بولعانداردىڭ تۋىستارى مەن جاقىندارىنا كوڭىل ايتتى.
ەسكە سالايىق، 21 تامىزدا رەسەيدىڭ ۋليانوۆ وبلىسىندا جول اپاتى بولىپ، 16 ادام وپات بولدى، ولاردىڭ 14-ءى - قىرعىزستان ازاماتى. ءۇش قىرعىزستاندىق اۋرۋحاناعا ءتۇستى.
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟