Qazaqstan bas prokuraturası 7 aydan asa uaqıttan soñ Qañtar oqiğasınanda qaza tapqandardıñ tizimin jariyaladı. Prokuraturanıñ 16 tamızda jariyalağan tiziminde 238 marqwmnıñ familiyası men esiminiñ inicialı ğana jazılğan. Marqwmdardıñ qalay, qanday jağdayda qaza tapqanı jaylı aqparat joq, dep jazdı Ortalıq Aziya jañalıqtar qızmeti.

Qoğam Qañtar oqiğasınan keyin bilikten opat bolğandardıñ esimin jariyalaudı talap etip kelgen edi. Organdar tergeu qwpiyalılığına siltep osı künge deyin marqwmdardıñ esimin jariyalamağan. Bwdan bölek qwqıq qorğauşılar men qaza tapqandardıñ jaqındarı marqwmdardıñ qanday jağdayda qaza bolğanı jaylı aqparattı talap etken.

Bilik Qañtar oqiğasında qaza tapqandardıñ tizimin jariyalamay twrğanda Azattıq radiosı marqwmdar jaylı derekterdi jinap, "Qandı Qañtar qwrbandarı" degen arnayı jobasın jariyalağan. Azattıq Qañtar qırğınında qaza bolğan 202 adamnıñ atı-jönin jäne derekterin jinağan.

Qañtardıñ basında elde swyıltılğan gazdıñ qımbattauına qarsı miting ötip, narazılıqtıñ ayağı qantögiske wlasqan. Bilik şetelde dayındıqtan ötken "terrorister şabuılı" turalı ayttı, biraq oğan dälel-ayğaq keltirgen joq. Prezident Qasım-Jomart Toqaev küştik qwrılımğa eskertusiz oq atuğa bwyrıq bergenin mälimdedi. Ol sonımen birge elde bilikti küşpen basıp alu talpınısı bolğanın ayttı, alayda onı kim wyımdastırğanın naqtılamadı.

Resmi derek boyınşa, Qañtar oqiğasında 230 adam qaza boldı. Bwğan qosa, oqiğa kezinde wstalğan tağı segiz adamnıñ tergeu izolyatorında köz jwmğanı belgili boldı. Bilik qoğam talabına qaramastan opat bolğandardıñ esimin jariyalamay kelgen edi. Bwdan bölek qwqıq qorğauşılar men qaza tapqandardıñ jaqındarı marqwmdardıñ qanday jağdayda qaza bolğanı jaylı aqparattı talap etken.

Qañtar oqiğası kezinde jäne odan keyin mıñdağan azamat wstalıp, jüzdegen adamğa "terrorizm", "jappay tärtipsizdik wyımdastıru", "zañsız qaru-jaraq saqtau" sekildi ayıptar tağıldı. Qamauda bolğandardıñ arasında azaptalğanın aytıp şağımdanğandar köp, biraq olardı azaptau faktisi boyınşa wstalğandar neken-sayaq.