Bişkekte Irıs Jekşenaliev attı kollej studenti äleumettik jelidegi jeke paraqşasında Jetim-Tau  (Jetim-Too) kenişin qoldanuğa qarsılıq bildergeni üşin qamauğa alındı.

14 tamız küni 19 jastağı blogerdi İİM tergeu böliminde 5 sağattan astap uaqıt jauap alıp artınşa Bişkek qalalıq policiyasınıñ uaqıttıq wstap abaqtısına qamağan.

Qırğızdıñ aqparat közderiniñ habarlauınşa bloger öziniñ Facebook paraqşasında Qırğız Wlttıq Qauipsizdik Memlekettik komitetiniñ bwrınğı basşısı Äbdil Segizbaevtiñ eki jıldıñ aldındağı eski ündeuin jariyalağanı üşin qamalğan.

Qırğız qwqıq qorğau organdarı bwl post turalı «Jappay tärtipsizdik» babı boyınşa is qozğağan.

Bwğan baylanıstı Qırğız policiyası Äbdil Segizbaevtiñ özinen de jauap alğan.

Soñğı kezderi Narındağı Jetim-Tau kenişindegi temir rudasın igeru bolmasa igermeu turalı qızıu talqığa wlasqan. Bwğan prezident Japarov ta öz pikirin bildirip qazir bwl keniştiñ paydalanılmaytının, jekeniñ qolına ötip ketui mümkin dep jalğan aqparat tarqatqandardı qatañ jazağa tartudı küştik qwrlımdarına mindettegen.

Sonday-aq Qırğız prezidenti Jetim taudı igeru oylarında joqtığın. Dey twrğanmen keniştiñ zapas qorın anıqtau üşin geologiyalıq jwmıstar jürgizilip jatqanın ayttı.

Narın men Istıqköl oblısıtarınıñ şekarasına ornalasqan Jetim tau kenişi 1956 jılı aşılğan. Zapastağı qorında 3-10 mlrd tonna aralığında temir rudası bar dep boljanğan.

Jaqtastarı Irıs Jekşenalievtiñ qamauın sayasi qudalau dep sanaydı.

Tura osı sekildi jağdaylar keşegi Keñestiñ elderdiñ derligine tän. Qazaqstan, Belarus', Türkimenstan, Özbekstan sekildi elderde azamattıq qoğamnıñ qalıptasuına küş salğan nemese jüyege qarsı şıqqandardı qudalau ortaq ädis täsiline aynalğan.

N.Baytwrsın