Ukraina jerinde Resey köp tankterin joğalttı. Foto: The Independent

Resey Ukrainağa auqımdı şabuılın bastağannan beri ülken soğıs şığınına batqanı turalı köptegen aqparat qwraldarı jazdı. Äsirese, Resey armiyasınıñ negizgi soğıs qwralınıñ biri bolğan taknteri Ukraina dalası men qalalarında temir-tersekterdiñ üyindisine aynalıp ketti. Soğıs bastalğannan beri äskeri sarapşılar Reseydiñ mwnşa köp şığınğa batuınıñ sebepteri türli pikirler aytıp keldi. Degenmen, köpşilik biletindey Ukrainağa Batıs elderi jağınan berilgen tankke qarsı zımırandardıñ faktorı joğarı bolğanı anıq bayqaldı. Bwdan basqa qanday sebepter boluı mümkin?

Orıs armiyasınıñ naqtı qanşa tank joğaltqanı turalı bir-birine wqsamaytın derekter köp, Ukraina armiyası öz derekteri boyınşa Reseydiñ 680 tankin joydıq dep sanaydı, al Ukraina Bas Ştabınıñ birer kün bwrın taratqan dereginde 732 reseylik tank opat boldı degen. Alayda, soğıs maydanındağı naqtı fotosuretter arqılı derekter toptastırıp kele jatqan ORYX barlau qızmeti öz dereginde Resey 460 tankinen ayırıldı dep körsetti. Al, Rand Corporation pen IISS derekterinde soğıs bastaludan bwrın, yağni Resey Ukrainağa basıp kirgen kezinde 2700-ge juıq tanki bolğan.

Resey tankterine Jäbireyildey Javelin men NLAW

Resey Ukrainağa basıp kirudiñ aldında da NATO müşeleri tarabınan Ukrainağa tankke qarsı zımırandar berilip keldi. Soğıs bastalğanan keyin AQŞ wzın sanı 4 mıñnan astam Javelin zımıranın berse, Britaniya NLAW qaruınan 3600 danasın jöneltti. Bwl şağın zımırandardıñ orıs tankterine qarsı effektivti boluınıñ bir sebebi olar tanktıñ tural aldınan nemese artınan emes, bolat sauıtı jwqaltañ bolatın taq töbe twsınan kelip tiedi nemese jaqın keñistikte jarıladı.

Resey armiyasınıñ jetildirilgen tankterinde özine atılğan zımırandarğa qarsı dinamikalıq qorğanıs jüyeleri ornatılğan. Biraq, amerikalıq «Nayza» (Javelin) men ağılşındıq NLAW zımırandarı tanktıñ mwnday qorğanıs jüyesin bwzıp öterlik qabileti bar. Zımıran oqtarı tankke deyin eki ret jarılıp, biri qorğanıs jüyesin bwzsa ekinşisi tank töbesinen jarıladı da auır soğıs tehnikasın tas-talqan ete aladı.

Köptegen äskeri sarapşılar Resey-Ukraina soğısında Javelin men NLAW qaruları bolmağanda Ukraina jağdayınıñ qalay bolatının elestetu qiın dep sanaydı. Ayta ketu kerek, Qwrama Şttar Reseydiñ tankterine qarsı paydalansın dep Ukrainağa Switchblade yağni «Qosalqı qanjar» dep atalatın wşqışsız wşu qwrılğısınan 100 danasın bergen. Bwl da Ukraina tarapqa öz septigin tigizdi.

Ukrainada Reseydiñ jibergen taktikalıq qatelikteri

Betbwrıstı şeşimderdegi strategiyalıq qatelikter öz aldına, keybir äskeri sarapşılar Reseydiñ Ukraina jerinde jibergen äskeri taktikalıq qatelikterin jipke tizgendey aytuda. Sent-Endryus universitetiniñ strategiyalıq zertteuşi professorı Fillips O’Brayen BBC-ge bılay depti: «Resey Ukrainadağı soğısqa tikeley äskerlerin köp salğan joq. Sondıqtan batal'ondıq taktikalıq toptar sekildi köbinese şabuıldauşı äskeri toptar qwru mañızdı dep sanadı. Äueden quattı soqqı jasap, artınşa ıqşam şabuılğa ötudi josparlağan. Alayda, tank kolonaları soqqığa tap bolatın bolsa onıñ qorğauındağı jayau äskerler oñtaylı qorğana almay qaladı. Bwl Reseydiñ äskeri küşteriniñ bir tarabına älsizdik berip qoydı».

Ukraina küşteriniñ Reseylik tankterge soqqı beretin poziciyalardı oñay ielep aluın Reseydiñ äue patruldarınıñ bolmauı sebep boldı deydi äskeri sarapşılar. Soğıs bastalmay twrıp köptegen sarapşılar Resey äuedegi basımdıqtı alıdmen qolğa keltiredi, sol arqılı Ukraina qarulı küşteriniñ qozğalısın baqılauğa aluı mümkin dep boljağan. Alayda, wrıs bastala salısımen bwnday boljamdar aqtalmay qaldı, Resey äuedegi üstemdikke jete almay nätijesinde twtqiıl şabuıl jasaytın nüktelerdi oñay ielep alğan Ukraina küşteriniñ soqqısı boljausız küyge ötti, osıdan barıp Reseydiñ jerdegi äskeri tehnikaları da köbirek talqandaldı.

Resey soğıs tehnikalarınıñ bäri qiırap qalğan joq

Janar jağar maydıñ, azıq-tüliktiñ jetkizilui jäne  tehnikalıq qoldaudıñ dwrıs wyımdastırılmauı Reseydiñ Ukrainada jibergen tağı bir taktikalıq qateligi deuge boladı. Joğarıda atalğan barlau ortalıqtarınıñ esebinşe, Reseydiñ şığınına sanalğan tankterdiñ barlığı derlik talqandalğan joq, olardıñ keybirin reseylik äskerler tastap qaşıp ketken. Bwğan sebep logistikanıñ jaqsı bolmauı jäne äskerlerdiñ soğısqa qatıstı naqtı dayındığınıñ joqtığı dep körsetedi.

Ukrainağa basıp kiru arqılı Resey armiyası tikeley NATO-men soğıspasada atalğan qorğanıs alyansına tän az bolmağan soğıs tehnikalarına tap boldı. Bwl jäne wzaq uaqıttan beri Reseydiñ auqımdı aumaqta kürdeli soğıs operaciyasın wyımdastıruı, süyte twra reseylik äskeriler birqatar älsizdikterin älemge paş etip aldı. Ukrainada Reseydiñ bolaşağı şeşiletin soğıs bola otırıp onda naqtı soğıs täjiribesi az jas äskerlerdi tartudıñ özi mäskeulik soğısker şendi-şekpendilerdiñ zor qateligi retinde qarastırıları anıq.