Temir tor. Foto: blogforlife.org

Parlament mäjilisiniñ deputatı Mwhtar Tinikeev arız jazıp, ökilettiligin toqtaudı swrağan. Aqırı, äriptesteriniñ dauıs berui arqasında ol merziminen bwrın Mäjilisten ketti.

Onı bwnday küyge jetkizgen ne? Ärine, sebep retinde köpke jariya bolğan «şapalaqtau videosı» aytıladı. Biraq, ayaq astınan nege osınday wşıqqa iline qaldı. Biz parlamenttegi belsendi deputattıñ sır-sipatın jaqsı biledi-au, äri aytarın irikpeytin şığar degen oymen Mwhtar Bäkirwlımen birge Mäjilis qabırğasında qızmet etken eks deputatqa habarlastıq. Alayda, ol kisi öz atın atamay-aq qoyudı ötinip, mınanı ayttı.

«Mwhtar Bäkirwlı ötkir, halıqtıñ mwñın, jwrttıñ joğın aytqanda aldına jan salmaytın belsendi deputat edi. Sosın, qorqu degendi bilmeytin, äsirese, Kärim Mäsimov ükimet basqarıp twrğanda, Prem'er-ministrden tartıp, odan qwldayğı lauızımdılarğa betiñ-jüziñ demey şındıqtı aytıp salatın. «Ne bolamın-au» dep, taysalıp, tartınbaytın. Sol kezde onı qattı jaqsı körip, sıylaytınmın. Sonısımen de, äriptester arasında ornı biik edi.

Al, biraq, tek orısşa söyleytin. Tipti, «özim de, balam da orısşa söyleydi» dep kesip-pişip bir-aq aytqanı bar edi. Özi meyli, balasın da basqa tilde söyleydi dep, ana tiline olay kekireye, mensinbey qarau tım täkapparlıq qoy. Qazaqtıñ tilin, qazaqtıñ müddesin qoldamasa, ol qalay täuelsiz Qazaqstannıñ deputatı, halıq qalaulısı bolmaq? Osığan kelgende oğan qarnım aşatın. Mümkin, tım asqaqtap ketken adam ana tildiñ kärine jolığuı da ğajap emes. Bälkim, kezinde ükimetke «tisi batqan» kezderi öz basına qayta tayaq bolıp tigen şığar. Qalay desek te, qazir qazaq jigitteriniñ basına ülken qiındıq tuıp twr ğoy. Şetinen wstalıp jatır. Qazaq azamattarına qazir tek, jwdırıqtay jwm bolıp, birigu ğana qaldı».

Oylanıp qaldıq. Rasında, soñğı kezderi, BAQ salasındağı mıqtı azamattardı, bwrınğı jäne qazirgi lauazımdı qızmet atqarğan twlğalardı tarpa bassalıp, türmege tığu jiilep ketti. Äsirese, Nartay Dütbaevtı. WQK-nıñ bwrınğı basşısın, «memlekettiñ qwpiyasın jariya etti» dep wstağan qazirgi WQK-nıñ «wr toqpağı» da oñay emes ekenin bayqatqanday. Tağı kimdi toqpaqtaydı eken, «wr toqpaq»...

Aqtamberdi ASPAN

«The Qazaq Times»