"Nwr Otan" partiyasınıñ ğimaratı. Foto: Time.kz

Birneşe kün bwrın "janar-jağar may wrlau isi" boyınşa wstalğan Atırau oblısı mäslihatına "Nwr Otan" partiyası atınan saylanğan deputat Abzal-Senbi Samalıqov partiya qwramınan şığarıldı. Bwl turalı Informburo.kz saytı habarladı. 

Aqparatqa qarğanda, Samalıqov qazir ol üyqamaqta otır.

Informburo saytınıñ jazuınşa, 18 mausımda partiyanıñ Maqat audandıq bölimşesiniñ sayasi keñesi otırıs ötkizip, deputattı partiyadan şığaru turalı şeşim qabıldağan.

15 mausımda Atırau jañalıqtarın jazatın "Aqjayıq" portalı deputatpen birge tağı 22 adamnıñ üstinen qılmıstıq is qozğalğanın habarlağan. Aqparatqa qarağanda, Wlttıq qauipsizdik komiteti äueli 20 adam üstinen "Wyımdasqan top, qılmıstıq wyım qwru jäne olarğa basşılıq etu, sol siyaqtı olarğa qatısu" babı (262-bap) boyınşa qılmıstıq is qozğağan. Keyin "Senip tapsırılğan böten mülikti iemdenip alu nemese talan-tarajğa salu" (189-bap) babı boyınşa tağı bir qılmıstıq is payda bolğan. Bwl bap boyınşa deputat küdikke ilingen.

23 adam Maqat stanciyasındağı tauar tasitın vagondardağı cisternalardan janar-jağar may wrladı degen küdikke ilinip otır. Tergeu organdarınıñ boljamınşa, küdiktiler bıltır 31 mausım men 31 qazan aralığında qwnı şamamen 20 mln teñge bolatın 120 tonna janar-jağar may wrlağan.

Abzal-Senbi Samalıqov "Lokomotiv" AQ-tıñ Atırau qalasındağı bölimşesiniñ direktorı. Ol biıl "Nwr Otan" praymerizinen keyin oblıstıq mäslihatqa saylanğan.

"The Qazaq Times"