«يوسيف ستالين جانبولات مامايدى تەرگەۋگە شاقىرعان». دەمپارتيانى قۇرۋشى توپتىڭ جەتكشىسى بۇگىن ءوزىنىڭ Facebook پاراقشاسىندا وسىنداي مالىمدەمە جاسادى. وپپوزيتسيالىق ساياساتكەردىڭ ايتۋىنشا whatsapp جەلىسىندەگى باس سۋرەتىنە ءستاليننىڭ پورترەتىن پايدالانعان الماتى قالالىق پوليتسيا دەپارتامەنتىنىڭ تەرگەۋشىسى ونى ساعات 15:00-دە قورعالۋعا قۇقىعى بار كۋاگەر رەتىندە تەرگەۋگە قاتىسۋعا شاقىرعان.
بۇعان دەيىن وپپوزيتسيالىق ساياسەتكەر جانبولات مامايدىڭ ۇستىنەن قر قىلمىستىق كودەكسى 274 بابتىڭ، 2-ءشى تارماعى بويىنشا قىلمىستىق ءىس قوزعاعانى بەلگىلى بولعان ەدى. قىلمىستىق ءىس اتالعان بابقا سايكەس قارجى نارىعىن باقىلاۋ جانە دامىتۋ اگەنتتىگىنىڭ شاعىمى بويىنشا قوزعالعان. اتالمىش اگەنتتىك جانبولات مامايدى «جالعان اقپارات تاراتتى» دەپ ايىپتايدى.
ءوزىنىڭ الەۋمەتتىك جەلى پاراقشاسىنداعى مالىمدەمەسىندە جانبولات ماماي بۇل ايىپتى جوققا شىعارادى جانە ونى ساياسي تاپسىرىس دەپ سانايدى. ونىڭ ايتىسىنشا، بۇنىڭ ءبارى 16 جەلتوقسانعا جوسپارلانعان نارازىلىق شارالارىنا كەدەرگى كەلتىرۋ ءۇشىن بيلىكتىڭ تاپسىرماسىمەن جاسالىپ وتىر.
«دەموكراتيالىق پارتيانى» قۇرۋشى توپتىڭ جەتەكشىسى وزىنە تاعىلعان ايىپ بويىنشا دا بۇگىنگى مالىمدەمەسىندە تۇسىنىك بەردى. اتالمىش ساياسي توپ كوتەرگەن «نەسيەلىك امنيستيا جاريالاۋ» ماسەلەسى بويىنشا بانكتەن العان نەسيەسىنە قاتىستى ناقتى ماسەلەسى بار بىرقاتار ازاماتتارمەن قارجى نارىعىن باقىلاۋ جانە دامىتۋ اگەنتتىگىنە بارعانىن، وند ازاماتتاردىڭ ناقتى ماسەلەلەرى بويىنشا نەسيەلىك امنيستياعا ءوتىنىش-ارىزدارىن جازعانىن جانە وسى ءىس بويىنشا بىرقانشا ازاماتتىڭ نەسيەلىك جەڭىلدىكتەرگە قول جەتكىزگەنىن ايتادى. وسىدان كەيىن اتالعان اگەنتتىككە جۇزدەگەن ادام ۇقساس ارىز-ءوتىنىش بويىنشا بارعان. كەيىن اگەنتتىك جانبولات مامايدىڭ ۇستىنەن «جالعان اقپارات تاراتتى» دەگەن ايىپ تاققانى تۋرالى ايتادى.
«بىراق مەن اشىق ايتامى: ەش ۋاقىتتا جالعان اقپارات تاراتقان جوقپىن، تاراتۋىم دا مۇمكىن ەمەس»، – دەگەن جانبولات ماماي مالىمدەمەسىندە. سونداي-اق: «بىلاي قاراپ وتىرساڭىز، التى ءجۇز ادام بارا ما، مىڭ ادام بارا ما، ەكى مىڭ ادام بارا ما؟ – ول جەرگە بارىپ ارىزىن جازعاندا تۇرعان قانداي كىنارات بار؟! بۇنىڭ نەسى قىلمىس دەگەن سۇراق تۋىندايدى. بىلە بىلسەڭىز، وسى اگەنتتىككە كەز-كەلگەن ادام بارىپ ءوزىنىڭ نەسيەلىك ماسەلەسى بويىنشا ارىز جازىپ، بانكتەردىڭ ماسەلەسىن قاراستىرۋ كەرەك، ماعان وسىنداي قولداۋ كەرەك دەپ ارىز جازىپ كەتۋگە تولىق قاقىسى بار»، – دەيدى.
وپپوزيتسيالىق ساياساتكەر جانبولات مامايدىڭ جاقتاستارى ماسانچي كوشەسىندەگى پوليتسيا دەپارتامەنتىنە بىرگە باردى. فوتو: QT
وسىدان شامامەن ءبىر ساعات بۇرىن جانبولات مامايدىڭ جاقتاستارى الەۋمەتتىك جەلىدە وپپوزيتسيالىق ساياساتكەردىڭ ماسانچي كوشەسى بويىنداعى پوليتسيا دەپارتامەنتىنە بارعانىن ايتىپ ۆيدەو جاريالادى. ولار دا ساياساتكەرگە قارسى قوزعالعان قىلمىستىق ءىستىڭ ساياسي استارى بار دەگەن ماعىنادا مالىمدەمە جاسادى.
جۇلدىز تەمىرحانوۆا اتالمىش اگەنتتىككە نەسيەلىك ماسەلەسى بويىنشا ارىز جازۋ ارقىلى نەسيەلىك كەشىرىم مەن جەڭىلدىكتەر العانىن راستاپ تۇر. فوتو: QT
ايتا كەتەيىك، بىرەر كۇن بۇرىن جانبولات ماماي 16 جەلتوقساننىڭ جاقىنداۋىنا بايلانىستى وزىنە جاسالعان قىسىمنىڭ كۇشەيگەنىن، سوڭىنان بىرنەشە اۆتوكولىكپەن بەلگىسىز ادامداردىڭ اڭدىپ جۇرگەنىن ايتقان بولاتىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟