Kelesi aptada AQŞ pen «Taliban» Dohada kelissözderdiñ jaña kezeñin bastaydı. Kelissözdiñ bwl kezeñi eki aptağa jalğasadı dep kütilude. Qwrama Ştattar Auğanstan isi boyınşa arnayı ökil Tomas Uestti kelissöz delegaciyasına basşı etip belgiledi. Osığan baylanıstı tälipter mälimdeme jasap, AQŞ-tı şeşilmegen mäselelerge «praktikalıq qadamdar jasauğa» şaqırdı.
Anığında tälipter ekijaqtı mäselelerdi şeşu üşin AQŞ-tıñ kelissözderdi qayta bastauın jılı qabıldadı. Äri, Qwrama Ştattarmen jaqsı qarım-qatınas ornatıp, mäselelerdi şeşuge ıntalı ekenin bayqattı. «Taliban» Auğanstannıñ BWW-dağı ökili etip bekitken Suhail Şahin osınday mälimdemeler jasağan, ol endi AQŞ-tı mäselelerdi şeşu üşin naqtı qadamdar jasauğa şaqırğan.
AQŞ Mem. departamentiniñ resmi mälimdemesine qarağanda, aldağı kelissözde AQŞ pen tälipterdiñ ökilderi terrorizmge qarsı küres, gumanitarlıq kömek jäne eldiñ ekonomikalıq jağdayın talqılaydı. Kelissöz taqırıbında amerikalıq jäne auğanstandıq azamattardıñ elden şığuına mümkindik beru mäseleleri de bar.
AQŞ pen «Taliban» kelissöz ötkizgeli otırğan bwl twsta Auğanstan auır äleumettik dağdarıstı bastap keşirip otır. BWW deregine süyensek, elde 23 mln adam aştıqqa wşırağan, bwl halıqtıñ 60 payızğa juığı. Al, jalpı halıqtıñ 95 payızı azıq-tülik jetispeuşiligin körip otır.
Kiberşabuılğa wşırağan BAQ ökilderi qwqıq qorğau organdarına arız tüsirdi
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Reseydiñ Doneck oblısı Konstantinovka qalasındağı bazarğa şabuılınan 16 adam qaza taptı
Sadır Japarov Istıqköldegi tört pansionattı Özbekstanğa beru sebebin tüsindirdi
Pigojinniñ «Vagner» tobı Mäskeu tübine kelip şeginip ketti