Almatı qalası koronavirus indetiniñ törtinşi tolqın basılğannan keyin de auruşañdıqtan köş bastap twr. 21 qazan 2021 jıl. Foto: QT / Kültegin Aspanwlı

Qazan ayında basqa öñirlerge qarağanda eñ köp sırqat tirkelgen Almatıda 8,5 mıñğa juıq adamnıñ taldauınan koronavirus anıqtalğan, tağı 150 şaqtı adamğa koronavirus pnevmoniyası diagnozı qoyılğan. Qazir qalanıñ 3,1 mıñ twrğını emdelip jatır. Juırda ğana sanı qısqarğan auruhanalardağı tösek-orın qorınıñ 45%-ında nauqastar bar.

Qoğamdıq densaulıq saqtau basqarmasınıñ mälimetinşe, ötken täulikte, 26 qazanda tirkelgen 230 adamnıñ 222-si simptom belgilerimen, tağı 8-i simptomsız. Sonımen qosa, seysenbi küni 119 adam auruhanağa jatqızılğan.

Jalpı qalada sıyımdılığı 2334 orın bolatın infekciyalıq stacionarlarda 1056 adam emdelip jatır. Olardıñ arasında 28 bala tösekke tañılğan. Al reanimaciya jäne qarqındı terapiya bölimderinde 106 nauqas jatır. 24 adam ÖJJ, 47 nauqas invazivti emes ÖJJ jäne 27 sırqat High flow apparatımen tınıstap jatır. Sonday-aq, BMSK men Telemedicina ortalığınıñ mobil'di toptarımen birge üy jağdayında 2049 nauqas ambulatorlıq deñgeyde baqılauğa alınğan.

Apta bası, düysenbide 10 adam koronavirus pen oğan wqsas pnevmoniyadan qaytıs bolğan. Qazan ayında 157 almatılıq osı dertten köz jwmğan.

Baqsarma mälimetinşe, Almatı qalasında biıl aqpannan beri 990 mıñ adam ekpeniñ alğaşqı, onıñ işinde 920 mıñı tolıq dozasın alğan. Onıñ 120 mıñı 60 jastan asqan azamattar. Qazir 137 egu punkti men 205 egu brigadasında 733 medqızmetker jwmıs isteydi.

Qoğamdıq densaulıq saqtau basqarmasınıñ QT redakciyasına wsınğan jauabına qarağanda, epidahualdıñ twraqtauına baylanıstı kovid stacionarlarındağı orın qısqarıp, keybir medicina mekemeleri bwrınğı josparlı qabıldau jwmısına köşken.

«Keyingi kezdegi oñ özgeristerge baylanıstı koronavirus infekciyasın jwqtırğan nauqastardı emdep jatqan medicinalıq wyımdardağı 845 tösek-orın alınıp, olar beyindi bağıtqa qalpına keltirildi. Osılayşa, qor jüktemesi 3179-dan 2334-ke deyin azaytıldı» dep habarladı.

  •  «№4 Qalalıq klinikalıq auruhana» – 100 tösek-orın;
  • «Ftiziopul'monologiya ortalığı» – 180 tösek-orın;
  • «Psihikalıq sauıqtıru ortalığı» – 100 tösek-orın;
  •  «SmartHealthUniversityCity» senimdi basqaruşısı ŞJQ «№1 Qalalıq klinikalıq auruhana» MKK – 300 tösek-orın;
  • «A-class Medical» MO – 20 tösek-orın;
  • «Wlttıq qauipsizdik komitetiniñ gospitali» – 100 tösek-orın;
  • «Medicinalıq kömek ortalığı» JŞS – 45 tösek-orın.

Almatı qalasında pandemiya bastalğalı 184 mıñnan asa adam auırğan, onıñ 8,6 mıñı qazan ayında anıqtalıp ülgerdi. Qazir respublikada tirkeletin kündelikti eseptiñ keminde 15-20%-ı Almatı qalasına tiesili bolıp otır.

The Qazaq Times