Balalar qalalıq klinikalıq jwqpalı aurular auruhanasınıñ modul'di filialınıñ qaqpası. 21 qırküyek 2021 jıl. Almatı qalası. Foto: QT / Kültegin Aspanwlı

Qazan ayı bastalğalı eñ köp sırqat tirkelgen Almatıda 4832 adamnıñ taldauınan koronavirus anıqtalğan, tağı 94 adamğa koronavirus pnevmoniyası diagnozı qoyılğan. Qazir qalanıñ 4,3 mıñ twrğını emdelip jatır. Törtinşi tolqınnıñ şarıqtau kezeñine qarağanda büginde kölemi eki esege qısqarğan auruhanalardağı tösek-orındardıñ 42%-ına nauqastar jatqızılğan.

Qoğamdıq densaulıq saqtau basqarmasınıñ mälimetinşe, ötken täulikte, 13 qazanda tirkelgen 350 adamnıñ 333-i simptom belgilerimen, tağı jeteui simptomsız. Bwl aldıñğı künmen salıstırğanda 81 adamğa köp. Sonımen qosa, särsenbi küni 103 adam auruhanağa jatqızılğan.

Jalpı qalada sıyımdılığı 3179 orın bolatın infekciyalıq stacionarlarda 1341 adam emdelip jatır. Olardıñ arasında 43 bala tösekke tañılğan. Al reanimaciya jäne qarqındı terapiya bölimderinde 139 nauqas jatır. 25 adam ÖJJ, 78 nauqas invazivti emes ÖJJ-ımen jäne 30 sırqat High flow apparatımen tınıstap jatır. Sonday-aq, BMSK men Telemedicina ortalığınıñ mobil'di toptarımen birge üy jağdayında 3004 nauqas ambulatorlıq deñgeyde baqılauğa alınğan.

Seysenbide 8 adam koronavirus pen oğan wqsas pnevmoniyadan qaytıs bolğan. Twtas qazan ayında 93 almatılıq osı dertten köz jwmğan.

Resmi derekke qarağanda, Almatı qalasında biıl aqpannan beri 973 mıñ adam ekpeniñ alğaşqı, onıñ işinde 893 mıñı tolıq dozasın alğan. Onıñ 119,5 mıñnan astamı 60 jastan asqan azamattar. Äkimdik mälimetinşe, äzirge 160 egu punkti men 237 egu brigadasında 1028 medqızmetker jwmıs isteydi.

Epidkartada birneşe aydan beri «qızıl aymaqta» twrğan Almatı qalasında pandemiya bastalğalı 180,5 mıñ adam auırğan, onıñ 5 mıñğa juığı qazan ayında anıqtalıp ülgerdi. Qazir respublikada tirkeletin kündelikti eseptiñ keminde 15-20%-ı Almatı qalasına tiesili bolıp otır. Üş jarım aydan beri «qızıl aymaqtan» şığa almay otırğan qala auruşañdıq boyınşa birinşi qatardan tüspey keledi.

The Qazaq Times