Көрнекі сурет. Фотоколлаж: pixabay.com

Мұнай бағасы елеулі көрсеткішке өсіп, 3 жыл бұрынғы деңгейге көтерілді.

Лондон құрлықаралық биржасының (ICE) сауда дерекқорына қарағанда, бүгінгі таңда Brent маркалы мұнай бағасы 2018 жылдың 10 қазанынан бері алғаш рет барреліне 83 доллардан асты.

Сейсенбі күнгі сатылым барысында ең жоғарғы өсім Brent баррелінің құны 2,3%-ға дейін артып, 83,13 долларға жеткен. Алайда астана уақытымен сағат 22.00-ге қарай 82,76 долларға дейін сәл төмендеген.

ОПЕК+ мониторинг комитетіне кіретін министрлердің мұнай өндіруді тәулігіне 400 мың баррельге арттыру жөніндегі жоспарын ары қарай жалғастыру жөніндегі шешімінен кейін мұнай бағасы өсе бастады.

Осы айдың басындағы Энергетика министрлігінің ресми мәліметінше, ОПЕК+ аясында Қазақстан белгіленген квота негізінде қазан айында тәулігіне 1,524 млн, қарашада күніне 1,540 млн баррель өндіре алады.

The Qazaq Times