مۇناي باعاسى ءۇش جىل بۇرىنعى دەڭگەيگە ءوستى

مۇناي باعاسى ەلەۋلى كورسەتكىشكە ءوسىپ، 3 جىل بۇرىنعى دەڭگەيگە كوتەرىلدى.

لوندون قۇرلىقارالىق بيرجاسىنىڭ (ICE) ساۋدا دەرەكقورىنا قاراعاندا, بۇگىنگى تاڭدا Brent ماركالى مۇناي باعاسى 2018 جىلدىڭ 10 قازانىنان بەرى العاش رەت باررەلىنە 83 دوللاردان استى.

سەيسەنبى كۇنگى ساتىلىم بارىسىندا ەڭ جوعارعى ءوسىم Brent باررەلىنىڭ قۇنى 2,3%-عا دەيىن ارتىپ، 83,13 دوللارعا جەتكەن. الايدا استانا ۋاقىتىمەن ساعات 22.00-گە قاراي 82,76 دوللارعا دەيىن ءسال تومەندەگەن.

وپەك+ مونيتورينگ كوميتەتىنە كىرەتىن مينيسترلەردىڭ مۇناي ءوندىرۋدى تاۋلىگىنە 400 مىڭ باررەلگە ارتتىرۋ جونىندەگى جوسپارىن ارى قاراي جالعاستىرۋ جونىندەگى شەشىمىنەن كەيىن مۇناي باعاسى وسە باستادى.

وسى ايدىڭ باسىنداعى ەنەرگەتيكا مينيسترلىگىنىڭ رەسمي مالىمەتىنشە، وپەك+ اياسىندا قازاقستان بەلگىلەنگەن كۆوتا نەگىزىندە قازان ايىندا تاۋلىگىنە 1,524 ملن، قاراشادا كۇنىنە 1,540 ملن باررەل وندىرە الادى.

The Qazaq Times