«Taliban» qarulı toptarı eldiñ şekara aymaqtarın özine qaratıp, endi birtindep ortalıq qala Kabulğa jaqınday tüsti. AQŞ ükimetindegi keybir aqparat közderi Kabul biliginiñ qwlauına bir aydan üş ayğa deyin uaqıt qalğanın aytuda.

Qazir Auğanstannıñ ekinşi ülken qalası Kandahar üşin küres swrapıl jürude. Keşe tälipter eldiñ Täjikstanğa jaqın Badahşan provinciyasınıñ ortalığı Fayzavad qalasın baqılauına alğanın mälimdegen. Oğan qosa Kabulğa jaqın Gazni qalasın aluğa äreket etip jatqanın BBC özi aqparat közderine silteme jasap habarlap edi.

«Taliban» wyımınıñ qazirge deyin qol jetkizgen eñ ülken jetistigi Qwndız qalasın özine qaratuı deuge boladı. Auğanstannıñ Ortalıq Aziyağa şığatın iri qaqpasına jaqın Qwndız qalası strategiyalıq mañızğa ie.

Tälipterdiñ aldağı nısanası Mazari-Şarif ekenin resmi mälimdemesinde ayttı. Bwl şahar Balh aymağınıñ äkimşilik ortalığı sanaladı. Balıq aymağı bolsa Özbekstan, Türkimenstan jäne Täjikstanğa jalğasıp jatadı. Tälipterdiñ Mazari-Şarifke köz tigip otırğanın estigen jerden Auğanstan prezidenti Aşraf Ğani sol qalağa wşıp bardı. Ol ondağı äskeri jetekşilerge jäne täjik diasporasınıñ liderlerimen kezdesudi josparlağanı mälim.

The Qazaq Times