Qazaqstan prezidenti Qasım-Jomart Toqaev el sportşılarınıñ Olimpiadadağı körsetkişi "sport salasında şwğıl äri tiimdi reformalar jürgizu qajet ekenin körsetti" dep mälimdedi. Bwl turalı ol keşe, 10 tamızda öziniñ Twitter jelisindegi paraqşasında jazdı. 

"Tokioda ötken Olimpiada oyındarına Qazaqstannan 93 sportşı qatıstı. Jeñiske jetu jolında bar küş-jigeri men şeberligin körsetken atletterge alğısımdı bildiremin. Olimpiadanıñ qola jüldegerlerin qwttıqtaymın. Alayda, 8 qola medal' alıp, jalpı komandalıq esepte 83-orınğa taban tiregen Wlttıq qwramanıñ bwl körsetkişi Qazaqstannıñ sporttağı äleuetine jäne memleket tarapınan sporttı damıtuğa bölinip otırğan mol qarajatqa säykes kelmeydi. Wlttıq qwramnıñ Olimpiadadağı körsetkişi sport sekildi asa mañızdı salada şwğıl äri tiimdi reformalar jürgizu qajet ekenin körsetti. Bwqaralıq jäne balalar sportın damıtuğa köñil bölip, sol arqılı älemdik arenada ülken tabıstarğa qol jetkizuge wmtılu qajet. Tokio Olimpiadasınan sabaq alıp, Parijde ötetin kelesi oyındarda halıq ümitin aqtaytınday nätijege qol jetkizu kerek" delingen Toqaevtıñ jazbasında.

Tokio olimpiadasında Qazaqstan segiz qola medal'men jalpı komandalıq esepte 83-orınnan körindi. Bwl Qazaqstan qwramasınıñ özi qatısqan olimpiadalardağı eñ tömengi körsetkişi.

"The Qazaq Times"