Qazaqstan preidenti Qasım-Jomart Toqaev pen Jambıl oblısınıñ äkimi Berdibek Saparbaev. Foto: Akorda.kz

Qazaqstan prezidenti Qasım-Jomart Toqaev Jambıl oblısınıñ äkimi Berdibek Saparbaevqa Tarazda oquşı zorlanğannan keyin qala äkimi qızmetinen bosatılğan Qayrat Dosaevtı basqarması basşılığına tağayındağanı üşin sögis jariyalap, qateligin tüzeudi tapsırdı. Bwl turalı prezidenttiñ baspasöz hatşısı Berik Uäli Facebook-tegi paraqşasında habarladı.

"Memleket basşısı Qasım-Jomart Toqaev Jambıl oblısınıñ äkimi Berdibek Saparbaevqa 2019 jılı jwmısında edäuir olqılıqtarğa jol berip, qızmetinen bosatılğan Q.Dosaevtı äkimdiktiñ basqarma basşısı etip tağayındağanı üşin sögis jariyaladı. Äkimge bir täulik işinde kadrlıq qateligin tüzetuge tapsırma berildi" delingen Berik Uälidiñ jazbasında.

2019 jılı Tarazdağı mektepterdiñ birindegi därethanada 12 jastağı qızdı zorlağannan keyin Toqaev qala äkimi Qayrat Dosaevtı qızmetinen bosatudı tapsırğan. Keşe onıñ Jambıl oblısı tabiği resurstar men tabiğattı paydalanudı retteu basqarmasınıñ basşısı bolıp tağayındalğanı habarlanğan edi.

Jambıl oblısı äkimdiginiñ resmi saytındağı aqparatqa qarğanda, Qayrat Dosaev Taraz äkimi qızmetinen bosağannan keyin, yağni 2019 jılı jeltoqsanda oblıs äkimdigindegi eñbek inspekciyası basqarmasına basşı bolıp tağayındalğan.

"The Qazaq Times"