قازاقستان پرەزيدەنتى قاسىم-جومارت توقاەۆ جامبىل وبلىسىنىڭ اكىمى بەردىبەك ساپارباەۆقا تارازدا وقۋشى زورلانعاننان كەيىن قالا اكىمى قىزمەتىنەن بوساتىلعان قايرات دوساەۆتى باسقارماسى باسشىلىعىنا تاعايىنداعانى ءۇشىن سوگىس جاريالاپ، قاتەلىگىن تۇزەۋدى تاپسىردى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook-تەگى پاراقشاسىندا حابارلادى.
"مەملەكەت باسشىسى قاسىم-جومارت توقاەۆ جامبىل وبلىسىنىڭ اكىمى بەردىبەك ساپارباەۆقا 2019 جىلى جۇمىسىندا ەداۋىر ولقىلىقتارعا جول بەرىپ، قىزمەتىنەن بوساتىلعان ق.دوساەۆتى اكىمدىكتىڭ باسقارما باسشىسى ەتىپ تاعايىنداعانى ءۇشىن سوگىس جاريالادى. اكىمگە ءبىر تاۋلىك ىشىندە كادرلىق قاتەلىگىن تۇزەتۋگە تاپسىرما بەرىلدى" دەلىنگەن بەرىك ءۋاليدىڭ جازباسىندا.
2019 جىلى تارازداعى مەكتەپتەردىڭ بىرىندەگى دارەتحانادا 12 جاستاعى قىزدى زورلاعاننان كەيىن توقاەۆ قالا اكىمى قايرات دوساەۆتى قىزمەتىنەن بوساتۋدى تاپسىرعان. كەشە ونىڭ جامبىل وبلىسى تابيعي رەسۋرستار مەن تابيعاتتى پايدالانۋدى رەتتەۋ باسقارماسىنىڭ باسشىسى بولىپ تاعايىندالعانى حابارلانعان ەدى.
جامبىل وبلىسى اكىمدىگىنىڭ رەسمي سايتىنداعى اقپاراتقا قارعاندا، قايرات دوساەۆ تاراز اكىمى قىزمەتىنەن بوساعاننان كەيىن، ياعني 2019 جىلى جەلتوقساندا وبلىس اكىمدىگىندەگى ەڭبەك ينسپەكتسياسى باسقارماسىنا باسشى بولىپ تاعايىندالعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟