Bir aptadan beri täuligine 5 mıñnan asa keysten anıqtalıp jatqan Qazaqstanda koronavirus pen osı tektes pnevmoniyağa şaldıqqandar sanı tağı 5406 adamğa arttı. Törtinşi tolqın üdegen şilde ayınıñ alğaşqı eki dekadasında 80 411 sırqat tirkelip ülgerdi.

Densaulıq saqtau ministrliginiñ resmi mälimetinşe, elde 20 şildede koronavirus (KVI+) jwqqan 5179 adam, al 19-ı koronavirus pnevmoniyasına (KVI-) şaldıqqan 227 adam tirkeldi. Qazir elde 64 mıñ adam (KVI+ boyınşa 62 651, KVI- boyınşa 1716) auırıp jatır.

#COVID Merekelik demalıs künine qaramastan, PTR testi arqılı koronavirus jwqqanı rastalğan nauqastar qatarı tağı arttı. Olardıñ basım böligi ädettegidey astana (1277),  Almatı qalası (710) jäne Qarağandı oblısında (703) tirkeldi. Bwdan özge Şımkent (412), Atırau (348), BQO (272),  Pavlodar (185), Aqmola (177), Almatı (160), Mañğıstau (146), Aqtöbe (142), Qostanay (141), Qızılorda (108), Jambıl (105), Türkistan (103) oblıstarında dert üdep twr. Ötken täulikte 2529 adam ayığıp üyine şığarılğan. Düysenbide jiını 54 adam qaytıs bolğan.

#COVID_pnevmoniyası 19 şildede aqparatı bir täulikke keşigip beriletin koronavirus pnevmoniyasına şaldıqqan 227 nauqas esepke alındı. Vedomstvo dereginşe, sırqattar Atırau oblısı (35), astana (31), Mañğıstau (27), Almatı oblısı (19),  Jambıl (18), Şımkent (15) qalasında köptep anıqtalğan. Sonımen qosa, 75 adam ayığıp şıqqan, tağı 8 adam köz jwmğan.

#Jalpı  DenMin deregine qarağanda, emdelip jatqan 64 mıñnan asa nauqastıñ 20 mıñı auruhanada, 44 mıñı ambulatorlıq baqılauda. 1157 nauqastıñ jağdayı naşar, ondağı 263 adamnıñ häli öte auır. Bwdan özge 160 sırqat ökpeni jasandı jeldetu apparatımen tınıstap jatır.

Virustıñ taralu qateri jağınan respublikanıñ barlıq öñiri sarğayıp-qızara tüsti. «Qızıl aymaqqa» engen öñirler: astana, Almatı, Şımkent qalaları men Almatı, Aqmola, Atırau, Aqtöbe,  BQO, Qarağandı, Mañğıstau, Qostanay, Qızılorda, SQO, Pavlodar, Jambıl oblıstarı. Al özge ŞQO jäne Türkistan öñirleri «sarı aymaqta» twr. Qazaqstan twstas qızıl reñge boyaldı.

DenMin habarınşa, 1 şildede PTR skriningi negizinde 414 sınama jürgizilgen. Säykesinşe, barlıq ülginiñ 48,3%-ınan Qazaqstannıñ tügel aymağınan ündistandıq «Del'ta» ştamı anıqtalğan. Ükimet mälimetinşe, biıl köktem-jazda genomdıq zertteu nätijesinde eldiñ basım böliginen virustıñ braziliyalıq, britandıq, oñtüstikafrikalıq jäne ündistandıq ştamdarı anıqtalğan.

Bıltır 13 naurızdan beri COVID-19 infekciyasın jwqtırğandar qatarı 504 mıñnan, 1 tamızdan bılayğı koronavirus pnevmoniyası 58 mıñnan asqan. DDSW derekqorı men Wlttıq statistikada Qazaqstanda auırğandar sanı 563 mıñnan asqan. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardan 11 045 adam (KVI+ / U07.1 – 5116, KVI- / U07.2 – 3562, ilespe aurulardan – 2367) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazaqstan virus taraluı boyınşa älemde Worldometers derekqorı, Djons Hopkins universiteti jäne DDSW tizimindegi 221 el men aymaqtıñ arasında 43-orında twr.

Ükimettiñ soñğı deregine qarağanda, Qazaqstanda 2 mln 907 mıñ adam koronavirusqa qarsı vakcinanı tolıq alğan.

"The Qazaq Times"