Wlıbritaniya ortaq qoğamdastıqtan şığu üşin Europalıq odaqqa şamamen 47,5 milliard euro töleui kerek. Bwl turalı odaqtıñ 2020 jılğa arnalğan byudjeti turalı aldın ala esebinde körsetilgen.

Wlıbritaniyanıñ odaqtan şığuı turalı şartınıñ 140 jäne 143-baptarın implementaciyalau kezinde mäsele tuındağan. Qwjatta London 2020 jılğı 31 jeltoqsandağı jağday boyınşa tüpkilikti nätijege jetkizilmegen birlesken jobalar men bağdarlamalardı iske asıru üşin Wlıbritaniyanıñ qoğamdastıq byudjetinen bölingen qarajattıñ bir böligin Euroodaqqa qaytaruğa mindetteletini jazılğan. Sonımen qatar Birikken Korol'dik qol qoyılğan kelisimde odaq şeneunikterine saqtandıru jäne zeynetaqı tölemderi boyınşa mindetteme aldı. Atalğan somanı qaraşada Europalıq Esep palatası bekitui kerek.

Wlıbritaniya birneşe jılğa sozılğan kelissözderden keyin 2020 jıldıñ 1 aqpanında Euroodaqtan şıqtı. Brexit turalı şartqa säykes tölemder birneşe onjıldıqqa bölinedi. Demek, London Bryussel'ge kelesi jılğa deyin 6,8 mlrd euro kölemindegi birinşi tranştı töleuge mindetti.

"The Qazaq Times"