Toqaev ekpe jetkizuge kedergi keltirgenderdi jauapqa tartuğa tapsırma berdi. Ol Pfizer ekpesin jetkizuge mümkindik beretin jarlıqqa qol qoyuğa dayın. Fotokollaj: aşıq derekköz

Senbi küngi Ükimettiñ keñeytilgen otırısında Toqaev Pfizer kompaniyasınıñ mamır ayında Qazaqstanğa 2 mln doza vakcina jetkizu josparı şeneunikterdiñ kesirinen iske aspağanın mälimdedi.

«Qazaqstan üşin bölingen Pfizer vakcinasın jetkizu toqtatıldı», – dedi prezident.

Ol özara jasasqan kelisimşarttar ayasında Pfizer mamır ayında 2 million doza jetkizudi josparlağanın naqtıladı. Bıltırğı «mausım-şilde qırğınına» jol bergen, biılğı qımbatşılıqtıñ rekordtıq deñgeyge ösuin toqtata almağan Asqar Mamin men onıñ minkabini halıqtıñ batıs ekpesin alu mümkindigin der kezinde jüzege asıra almağan.

«Ükimet jospardıñ orındalmau sebebin Pfizer wsınğan preparattı jetkizu talaptarımen baylanıstı tüsindiredi. Alayda talap-standarttar vakcinanı satıp alğan elderdiñ bäri birdey-ortaq boldı. Jaqında kompaniya tarapınan jaña wsınıs kelip tüsti, onda barlıq äreketter algoritmi körsetilgen. Prezident Jarlıqqa qol qoyuı kerek deydi. Eger qajet bolsa, men bwğan dayınmın», – dedi Toqaev.

Onıñ aytuınşa, «däl osı vakcinanı alğısı keletin azamattarğa mümkindik beru kerek».

«Mäseleni qısqa merzimde şeşip, qazaqstandıqtar üşin Pfizer vakcinasın qoljetimdi etu kerek» dep Mamin men minkabına tapsırma berdi. Sonday-aq, Prezident äkimşiligi men Ükimetti wlttıq qauipsizdik mäselesine jatatın vakcinamen qamtamasız etuge kedergi keltirgen şeneunikterdi jauapqa tartudı mindettedi.

Pandemiya bastalğalı 508 mıñnan asa adam (451 mıñ KVI+, 57 mıñı KVI-) auırdı jäne jalpı virus jwqqandardan 10 462 adam (KVI+ 4609, KVI- 3486, ilespe aurulardan 2367) qaytıs bolğan. Qazaqstan sırqattar sanı boyınşa älemde Worldometers derekqorı, Djons Hopkins universiteti jäne DDSW tizimindegi 221 el men aymaqtıñ arasında 44-orında twr.

Ükimettiñ soñğı deregine qarağanda, Qazaqstanda 2 mln 389 mıñ adam koronavirusqa qarsı vakcinanı tolıq alğan. Elde reseylik «Sputnik V» ekpesinen bölek, otandıq mamandar jasağan QazVac, Hayat-Vax (Qıtay-BAÄ), Sinopharm vakcinası salındı.

The Qazaq Times