Foto: RIA Novosti

ESET virustıq zerthanasınıñ mamandarı Google Play-de PayPal jäne Paxful  qosımşaları akkaunttardıñ mälimetterin wrlauğa jabdıqtalğan virustıq bağdarlamalar ekendigin anıqtadı. 

Qosımşalar arnayı injeneriyanıñ kömegimen iske qosılğan. Olardıñ alğaşqısı -  Boost Views bolatın. Alğaş YouTube-ke arnalğan qwral retinde jasalğan. Qoldanuşığa  YouTube arnasınan video körip otırıp aqşa tabuğa mümkindik beretin qosımşa retinde jasalğan bwl bağdarlamanı büginde 100 mıñnan astam adam jüktep ülgergen.

Jinağan aqşañızdı PayPal-ğa tirkelip, qarajattı kartañızğa audaruıñız kerek boladı. Mälimetterdi tolıq jazğannan keyin server qate ketkendigi jaylı habarlama jiberip, PayPal barlıq mälimetterdi bağdarlamanı qwrastıruşılarğa jiberedi.

PaxVendor qosımşası da däl osınday täsilmen qoldanuşınıñ akkauntı jaylı barlıq aqparattı wrlauğa mümkindik beredi.

ESET-tiñ mälimdemesinen keyin eki bağdarlama da Google Play-den öşirildi dep habarladı kompaniya ökilderi.

“The Qazaq Times”