Koronavirustıñ älemge äkelgen dağıdarısınan tek nätijeli vakcina ğana alıp şığadı. Bwnday mälimdemeni keşe Düniejüzilik densaulıq saqtau wyımı jasadı. Büginde Jer şarınıñ 38 mln şamasındağı twrğını virus jwqtırıp, onıñ 1,1 millionı köz jwmdı, 70 mıñ adam auır halde jatır.

Ekspertter indettiñ küz aylarında qayta örşitinin boljağan, boljamdarı dwrıs kelip jatqanday. Qazir älemniñ birqatar elinde virustıñ taraluı qayta küşeydi. Bwğan jaña oqu jılınıñ bastaluı men qoğamdıq qarım-qatınastardıñ qayta jandanuı sekildi sebepter boldı. Oğan qarsı karantin şaraların engizu tap qazir älemniñ qay-qaysı ükimeti üşin qiın bolıp otır. Sebebi, ekonomika jıl boyı auır soqqı alıp keldi.

Lancet jurnalı jaqında koronavirus turalı jaña zertteu maqalanı jariya etti. Onda adamdardıñ virusqa qaytalay şaldığu qaupiniñ küşti ekenin däleldegen zertteuler bar. Belgili bolğanday, bir ret koronavirusqa şaldıqqan adam ekinşi ret te jwğımdaluı mümkin. Tipti, ekinşi retinde nauqastardıñ jağdayı tım auır bolğan. Bwl koronavirusqa bolğan adam immunitetiniñ twraqtılığına degen kümändi küşeytti. Bir sözben aytqanda, bir ret koronavirusqa şaldıqqan adam onı qaytalay jwqtırmaydı degenge eş kepildik joq.

Qoğamdıq qozğalıstardıñ şektelgen kezinde keybir sarapşılar jağınan karantin şarasınıñ qajeti joq degen pikirler de aytılğan. Olardıñ oyınşa virustıñ taraluına meylinşe jol berip, adamdar auırıp saqayıp şıqsa virus tolığımen toqtaydı. Biraq, jaña zertteu nätijeleri bwl pikirdiñ qauipke bastaytının bildirse kerek. DDSW bolsa wjımdıq immunitet qalıptastıru degendi soraqı qadam dep eskertti.

Qazir Jer betinde jeti milliardtan asa adam jasap jatsa, wjımdıq immunitet qalıptastıru üşin onıñ teñ jartısınan astamı virus jwqtırıp jäne onı jeñip şıqqan boluı kerek. Alayda, qauipti indet adamzattıñ 0,5 payzına jetpedi. Sonıñ özinde 1,1 mln adamnıñ janın aldı. Älemde jeti adamnıñ beseuinde immunitet bar kezeñge jetemiz dese bwl qarqınmen 30 millionğa juıq adam köz jwmbaq.

“The Qazaq Times”