Franciya Senatı 18-59 jas aralığındağı azamattardıñ vakcina aluın mindetteudi wsındı.

Paster institutı men Wlttıq zertteuler institutınıñ ğalımdarı da pandemiyanıñ aldın alu üşin twrğındar jappay ekpe aluı tiis deydi. Atalğan zertteu ortalıqtarınıñ boljamına säykes, halıqtıñ jartısınan köbi ekpe saldırsa da, küzde Franciyada indettiñ törtinşi tolqını bastaluı mümkin. Al densaulıq saqtau jüyesine tüsken auırtpaşılıq bıltırğıday bolmaq.

Osı taqırıpta ötken jiında senator Bernar Jom'e: «Medicina qızmetkerlerine vakcinalaudı mindetteu mäselesin tez arada şeşu kerek. Bwl asa qiındıqtı tuğızbaydı. Oğan qosa 18 ben 59 jas aralığındağı azamattarımızğa da ekpe saludı mindetteu mäselesin köteru kerek. Öytkeni qolımızdağı derekter boyınşa, virustı eñ köp taratatın osı top. Al olardıñ arasında vakcina alğandar az», – dedi.

Senatorlar Ükimetke şildeniñ ayağına deyin medicina qızmetkerlerin, al osıdan keyin bükil eresek azamattarın vakcinalauğa mindetteu mäselesin şeşudi wsındı. Osı bastamağa Franciyanıñ Joğarı ğılımi Keñesi jauap berui tiis. Sonday-aq, jaña oqu jılında apta sayın oquşılardı koronavirusqa testileu nwsqauı berildi. Elde wjımdıq immunitet qalıptastıru üşin tez arada kem degende 10 mln adamdı vakcinalau qajet.

"The Qazaq Times"