Franciyada densaulıq saqtau salasınıñ qızmetkerlerin koronavirusqa qarsı vakcina aluğa mindetteytin zañ qabıldandı. Bwğan halıq narazı.

Ekpe qabıldauğa 15 qırküyekke deyin uaqıt berildi. Äzirge bwl kuälik eresekterge ğana mindetti. Biraq 30 qırküyekten bastap atalğan qwjattı jası 12-den asqan barlıq azamattarı körsetui tiis.

24 şildede Europa qalalarında ondağan mıñ adam indetti şekteu maqsatında engizilgen şaralarğa qarsılıq bildirip, şeruge şıqqan bolatın. Narazılıqtıñ eñ irisi Franciyada ötti. Mwnda bükil el boyınşa 160 mıñnan astam adam meyramhana jäne özge de qoğamdıq orındarğa arnayı rwqsat qağazımen kirgizudi qarastıratın zañ jobasına qarsılıq bildirdi.

Daulı zañ jobasına säykes, endi muzey, kinoteatr, meyramhana, bar jäne özge de nısandarğa kiru üşin arnayı «rwqsat qağaz» qajet. Atalğan qwjat vakcinalaudan tolıq ötken, koronavirus jwqpağanı jaylı PTR testi bar nemese koronavirustan emdelgenin däleldeytin anıqtaması bar adamdarğa beriledi.

"The Qazaq Times"