Qazaqstanda ötken täulikte 2016 adamnıñ analizinen koronavirus anıqtaldı. Bwl 22 mamırdan beri tirkelgen eñ joğarı körsetkiş. 

Ötken täulikte astanada 678 adamnan koronavirus anıqtaldı. Bwl respublika boyınşa eñ joğarı körsetkiş. Qarağandıda – 302, Almatıda – 253, Batıs Qazaqstan oblısında – 126, Şımkentte 103 nauqas tirkelgen. Qalğan oblıstarda anıqtalğan nauqastar jüzge jetpeydi.

Densaulıq saqtau ministrliginiñ mälimetinşe, koronavirus jwqtırğandardıñ kürt köbeyuine elde "ündistandıq ştamnıñ" tez taralıp jatqanı sebep. Vedomstvo ötken aptadan beri nauqastar 39 payızğa wlğayğanın habarlağan.

Bügin, 30 mausımda Almatı äkimdigi qalada "ündistandıq ştamnıñ üles salmağı" 78 payızğa jetti dep habarladı.

2020 jıldıñ naurız ayınan beri elde 423 137 adamnıñ koronavirus testi oñ şıqqan. Sodan beri 4 349 adam qaytıs bolğan. 1 tamızdan beri 57 025 adam koronavirus pnevmoniyasına şaldıqqan, 3 446-sı qaytıs bolğan.

Qazir 23 mıñnan astam adam koronavirustan emdelip jatır. Basım böliginiñ PTR testi oñ şıqqan.

"The Qazaq Times"