قازاقستاندا وتكەن تاۋلىكتە 2016 ادامنىڭ اناليزىنەن كوروناۆيرۋس انىقتالدى. بۇل 22 مامىردان بەرى تىركەلگەن ەڭ جوعارى كورسەتكىش. 

وتكەن تاۋلىكتە استانادا 678 ادامنان كوروناۆيرۋس انىقتالدى. بۇل رەسپۋبليكا بويىنشا ەڭ جوعارى كورسەتكىش. قاراعاندىدا – 302, الماتىدا – 253, باتىس قازاقستان وبلىسىندا – 126, شىمكەنتتە 103 ناۋقاس تىركەلگەن. قالعان وبلىستاردا انىقتالعان ناۋقاستار جۇزگە جەتپەيدى.

دەنساۋلىق ساقتاۋ مينيسترلىگىنىڭ مالىمەتىنشە، كوروناۆيرۋس جۇقتىرعانداردىڭ كۇرت كوبەيۋىنە ەلدە "ۇندىستاندىق شتامنىڭ" تەز تارالىپ جاتقانى سەبەپ. ۆەدومستۆو وتكەن اپتادان بەرى ناۋقاستار 39 پايىزعا ۇلعايعانىن حابارلاعان.

بۇگىن، 30 ماۋسىمدا الماتى اكىمدىگى قالادا "ۇندىستاندىق شتامنىڭ ۇلەس سالماعى" 78 پايىزعا جەتتى دەپ حابارلادى.

2020 جىلدىڭ ناۋرىز ايىنان بەرى ەلدە 423 137 ادامنىڭ كوروناۆيرۋس تەستى وڭ شىققان. سودان بەرى 4 349 ادام قايتىس بولعان. 1 تامىزدان بەرى 57 025 ادام كوروناۆيرۋس پنەۆمونياسىنا شالدىققان، 3 446-سى قايتىس بولعان.

قازىر 23 مىڭنان استام ادام كوروناۆيرۋستان ەمدەلىپ جاتىر. باسىم بولىگىنىڭ پتر تەستى وڭ شىققان.

"The Qazaq Times"