Qazaqstannıñ ärbir jetinşi azamatı vakcina alğan. Bwl turalı keşe, 23 mausıma Ortalıq kommunikaciyalar qızmetinde ötken brifingte tilşiler swrağına jauap bergen densaulıq saqtau ministri Aleksey Coy ayttı.

Onıñ sözinşe, elde koronavirusqa qarsı egilip jatqan vakcinanıñ bäri öte tiimidi, sondıqtan basqa vakcinalardıñ keluin kütip qajet emes.

«Qazaqstannıñ ärbir jetinşi azamatı vakcina aldı.  Bwl – ülken jetistik. Basqa vakcinalardı kütudiñ qajeti joq. Barlıq vakcinalardıñ el aumağında qoldanuğa rwqsat etilgenin tüsinu öte mañızdı. Olar qauipsiz, tiimdi, tekserilgen jäne şamamen 2,9 million adam osı vakcinalardı saldırğan. Tiimdiligi öte jaqsı, biz vakcinalaudıñ kömektesetinin körip otırmız. Viruspen auırğandar endi jwqtırmaymın dep oylauı mümkin, bwl müldem dwrıs emes. Qazaqstanda qayta auıru jağdayları tirkeldi, älem boyınşa da osınday statistika bar. Köptegen adam qayta auırıp jatır jäne jağdayları da öte auır. Ökinişke oray, qaytıs bolıp jatqandar da bar. Sondıqtan özin qorğau üşin, otbasın qorğau üşin mindetti türde vakcina saldıru qajet» dedi ministr.

Qazaqstanda vakcinalau nauqanı aqpanda bastağan. Äueli reseylik "Sputnik V" ekpesin, keyin osı ekpeniñ Qarağandıda öndirilgen nwsqasın saldı. Säuirde qazaqstandıq ğalımdar jasağan QazVac qoldanısqa endi. Bwdan bölek Qıtayda äzirlenip, BAÄ-de öndirilgen Hayat-Vax jäne qıtaylıq CoronaVac vakcinasın egip jatır.

15 mausımda elde koronavirusqa qarsı tağı bir ekpe - QazCoVac-P vakcinasınıñ klinikalıq sınağı bastalğanı habarlandı.

«The Qazaq Times»