قازاقستاننىڭ ءاربىر جەتىنشى ازاماتى ۆاكتسينا العان. بۇل تۋرالى كەشە، 23 ماۋسىما ورتالىق كوممۋنيكاتسيالار قىزمەتىندە وتكەن بريفينگتە تىلشىلەر سۇراعىنا جاۋاپ بەرگەن دەنساۋلىق ساقتاۋ ءمينيسترى الەكسەي تسوي ايتتى.
ونىڭ سوزىنشە، ەلدە كوروناۆيرۋسقا قارسى ەگىلىپ جاتقان ۆاكتسينانىڭ ءبارى وتە ءتيىمىدى، سوندىقتان باسقا ۆاكتسينالاردىڭ كەلۋىن كۇتىپ قاجەت ەمەس.
«قازاقستاننىڭ ءاربىر جەتىنشى ازاماتى ۆاكتسينا الدى. بۇل – ۇلكەن جەتىستىك. باسقا ۆاكتسينالاردى كۇتۋدىڭ قاجەتى جوق. بارلىق ۆاكتسينالاردىڭ ەل اۋماعىندا قولدانۋعا رۇقسات ەتىلگەنىن ءتۇسىنۋ وتە ماڭىزدى. ولار قاۋىپسىز، ءتيىمدى، تەكسەرىلگەن جانە شامامەن 2,9 ميلليون ادام وسى ۆاكتسينالاردى سالدىرعان. تيىمدىلىگى وتە جاقسى، ءبىز ۆاكتسينالاۋدىڭ كومەكتەسەتىنىن كورىپ وتىرمىز. ۆيرۋسپەن اۋىرعاندار ەندى جۇقتىرمايمىن دەپ ويلاۋى مۇمكىن، بۇل مۇلدەم دۇرىس ەمەس. قازاقستاندا قايتا اۋىرۋ جاعدايلارى تىركەلدى، الەم بويىنشا دا وسىنداي ستاتيستيكا بار. كوپتەگەن ادام قايتا اۋىرىپ جاتىر جانە جاعدايلارى دا وتە اۋىر. وكىنىشكە وراي، قايتىس بولىپ جاتقاندار دا بار. سوندىقتان ءوزىن قورعاۋ ءۇشىن، وتباسىن قورعاۋ ءۇشىن مىندەتتى تۇردە ۆاكتسينا سالدىرۋ قاجەت» دەدى مينيستر.
قازاقستاندا ۆاكتسينالاۋ ناۋقانى اقپاندا باستاعان. اۋەلى رەسەيلىك "سپۋتنيك V" ەكپەسىن، كەيىن وسى ەكپەنىڭ قاراعاندىدا وندىرىلگەن نۇسقاسىن سالدى. ساۋىردە قازاقستاندىق عالىمدار جاساعان QazVac قولدانىسقا ەندى. بۇدان بولەك قىتايدا ازىرلەنىپ، ءباا-دە وندىرىلگەن Hayat-Vax جانە قىتايلىق CoronaVac ۆاكتسيناسىن ەگىپ جاتىر.
15 ماۋسىمدا ەلدە كوروناۆيرۋسقا قارسى تاعى ءبىر ەكپە - QazCoVac-P ۆاكتسيناسىنىڭ كلينيكالىق سىناعى باستالعانى حابارلاندى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟