گەرمانيا پوليتسياسى ءبىر رەسەيلىك ازاماتتى تىڭشىلىق ايىبىمەن تۇتقىندادى. فوتو: BBC.

گەرمانيانىڭ جوعارى وقۋ ورىنىندا جۇمىس ىستەگەن 29 جاستاعى رەسەي ازاماتىنا پروكۋراتۋرا تىڭشىلىق ايىبىن تاقتى. يلنۋر دەگەن اتپەن بەلگىلى بولعان رەسەيلىك ازامات وتكەن اپتادا مالىمەتتەردى رەسەيگە بەرگەن دەگەن كۇدىكپەن ۇستالعان بولاتىن.

بۇل تۋرالى BBC تاراتقان مالىمەتتەرگە قاراعاندا، كۇدىكتى رەسەي ازاماتى گەرمانيانىڭ جوعارى وقۋ ورىنىندا (ەلدەگى قايسى ۋنيۆەرسيتەت ەكەنى ايتىلماعان) عىلىمي زەرتتەۋشىنىڭ كومەكشىسى بولىپ جۇمىس ىستەگەن. تەرگەۋ مالىمەتتەرى كورسەتكەندەي ول سوڭعى 8 اي ىشىندە رەسەيدىڭ بارلاۋ قىزمەتىنىڭ وكىلىمەن 3 رەت كەزدەسكەن. ول ۋنيۆەرسيتەت تۋرالى مالىمەتتەردى رەسەي بارلاۋ قىزمەتىنە بەرگەنى ءۇشىن اقشا الىپ تۇرعان دەگەن كۇدىك بار.

اقپارات قۇرالدارىندا كۇدىكتى رەسەيلىك باۆارياداعى اۋگسبرۋگ ۋنيۆەرسيتەتىنىڭ مەحانيكالىق ينجەنەرلىك بولىمىندە جۇمىس ىستەگەنى ايتىلۋدا. قازىر گەرمانيا پوليتسياسى تەرگەۋ امالدارىن جۇرگىزىپ، جۇمىس ورنى مەن ۇيىنە ءتىنتۋ الىپ بارعان. ەگەر تىڭشىلىق جاساعانى راستالسا گەرمانيادا بەس جىل قاماۋ جازاسىن وتەمەك.

“The Qazaq Times”