Qazaqstan densaulıq saqtau ministrliginiñ mälimetinşe, elde ötken täulikte koronavirus jwqqan 930 adam anıqtaldı. Eki kün bwrın 10 adamğa koronavirus pnevmoniyası diagnozı qoyıldı. 19 mausımda 9 adam qaytıs bolğan: 8 adam – koronavirustan, 1 adam koronavirus pnevmoniyasınan.

Vedomstvo mälimetinşe, ötken täulikte astanada – 215, Almatıda – 115, Şımkentte – 59, Aqmola oblısında – 36, Aqtöbe oblısında – 19, Almatı oblısında – 13, Atırau oblısında – 40, Şığıs Qazaqstan oblısında – 75, Jambıl oblısında – 13, Batıs Qazaqstan oblısında – 66, Qarağandı oblısında – 150, Qostanay oblısında – 32, Qızılorda oblısında – 16, Mañğıstau oblısında – 15, Pavlodar oblısında – 40, Soltüstik Qazaqstan oblısında – 13, Türkistan oblısında 13 nauqas tirkelgen.

Soñğı resmi mälimet boyınşa, 2020 jıldıñ naurız ayınan beri elde 409 580 adamnıñ koronavirus testi oñ şıqqan. 4242-i qaytıs bolğan. Bwğan qosa, koronavirus pnevmoniyasına şaldıqqandar 56 545 adamğa jetti. Osı uaqıtqa deyin olardıñ 3424-i köz jwmğan.

Qazir el astanası koronavirus boyınşa "qızıl aymaqta" twr. Şımkent qalası, Atırau, Batıs Qazaqstan jäne Qarağandı oblıstarı - "sarı aymaqta". Qalğan oblıstar men qalalar "jasıl aymaqta".

"The Qazaq Times"