بىرنەشە كۇن بۇرىن "جانار-جاعار ماي ۇرلاۋ ءىسى" بويىنشا ۇستالعان اتىراۋ وبلىسى ءماسليحاتىنا "نۇر وتان" پارتياسى اتىنان سايلانعان دەپۋتات ابزال-سەنبى سامالىقوۆ پارتيا قۇرامىنان شىعارىلدى. بۇل تۋرالى Informburo.kz سايتى حابارلادى.
اقپاراتقا قارعاندا، سامالىقوۆ قازىر ول ۇيقاماقتا وتىر.
Informburo سايتىنىڭ جازۋىنشا، 18 ماۋسىمدا پارتيانىڭ ماقات اۋداندىق بولىمشەسىنىڭ ساياسي كەڭەسى وتىرىس وتكىزىپ، دەپۋتاتتى پارتيادان شىعارۋ تۋرالى شەشىم قابىلداعان.
15 ماۋسىمدا اتىراۋ جاڭالىقتارىن جازاتىن "اقجايىق" پورتالى دەپۋتاتپەن بىرگە تاعى 22 ادامنىڭ ۇستىنەن قىلمىستىق ءىس قوزعالعانىن حابارلاعان. اقپاراتقا قاراعاندا، ۇلتتىق قاۋىپسىزدىك كوميتەتى اۋەلى 20 ادام ۇستىنەن "ۇيىمداسقان توپ، قىلمىستىق ۇيىم قۇرۋ جانە ولارعا باسشىلىق ەتۋ، سول سياقتى ولارعا قاتىسۋ" بابى (262-باپ) بويىنشا قىلمىستىق ءىس قوزعاعان. كەيىن "سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ" (189-باپ) بابى بويىنشا تاعى ءبىر قىلمىستىق ءىس پايدا بولعان. بۇل باپ بويىنشا دەپۋتات كۇدىككە ىلىنگەن.
23 ادام ماقات ستانتسياسىنداعى تاۋار تاسيتىن ۆاگوندارداعى تسيستەرنالاردان جانار-جاعار ماي ۇرلادى دەگەن كۇدىككە ءىلىنىپ وتىر. تەرگەۋ ورگاندارىنىڭ بولجامىنشا، كۇدىكتىلەر بىلتىر 31 ماۋسىم مەن 31 قازان ارالىعىندا قۇنى شامامەن 20 ملن تەڭگە بولاتىن 120 توننا جانار-جاعار ماي ۇرلاعان.
ابزال-سەنبى سامالىقوۆ "لوكوموتيۆ" اق-تىڭ اتىراۋ قالاسىنداعى بولىمشەسىنىڭ ديرەكتورى. ول بيىل "نۇر وتان" پرايمەريزىنەن كەيىن وبلىستىق ماسليحاتقا سايلانعان.
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى