"Auğanstan katastrofanıñ aldında twr" dep eskertken halıqaralıq qauımdastıq Auğanstanğa 1 mlrd AQŞ dolları kölemindegi kömek beriletinin mälimdedi. Bwl turalı halıqaralıq qauımdastıqtıñ Jeneva qalasında ötken otırısında habarlandı. 

Halıqaralıq qauımdastıq bildirgendey, Auğanstan joyqın äleumettik dağdarıstıñ aldında twr. Tälipter bilikke kelgenine köp bolmadı, eldiñ onsızda äreñ twrğan ekonomikası, sırtqı aktivteriniñ bwğattaluı, soğıstıñ zardabınan keyingi twralağan şaruaşılıqtardı moldalardıñ jaña biligi birden rettep kete almaytını belgili. Eger oğan der kezinde tiisti kömek berilmese 35 millionğa juıq halıq sanı bar Auğanstan Orta Aziyanı qamtığan birqatar memleketter men aymaqtarğa bosqındar legin alıp kelui ğajap emes.

BWW bas hatşısı Antoniu Guterriştiñ aytuınşa halıqaralıq qauımdastıq qazirge deyin 606 mln dollar dayındadı, osınıñ özi milliondağan adamnıñ ömirin saqtap qaluğa järdemin bermek.

BWW tarabı "Talibandı" halıqaralıq qauımdastıq kömegen qabıldau üşin BWW-nıñ Auğanstanğa kömek missiyasımen qarım-qatınastı twraqtandıruğa şaqırdı.

The Qazaq Times