سارسەنبىدە وتكەن پلەنارلىق وتىرىستا ەسەپ كوميتەتى توراعاسى ناتاليا گودۋنوۆا بىلتىر داعدارىسقا قارسى، جاعدايدى رەتتەۋگە بولىنگەن 6,9 ترلن تەڭگەنىڭ 355 ملرد كولەمىندەگى بولىگىن جۇمساۋدا كەمشىلىكتەر انىقتالعانىن مالىمدەدى.
«داعدارىسقا قارسى قارجىنى پايدالانۋ بويىنشا دا ماسەلەلەر بار. 6,9 ترلن تەڭگەنىڭ 4,5 ترلن-ى تەكسەرىلدى. ونىڭ ىشىندە 2 ترلن قاراجاتقا اۋديت جۇرگىزىلدى. 355 ملرد تەڭگە قارجىنى قولدانۋدا زاڭبۇزۋشىلىقتار انىقتالدى. ۇكىمەتپەن بىرلەسكەن جۇمىس بارىسىندا تاعى 243 ملرد تەڭگە جوسپارلانىپ، قايتا ءبولىندى»، – دەدى گودۋنوۆا.
سونىمەن قوسا، ۇكىمەت جۇمىسسىزدىق 4,9%-دان اسپايدى دەگەنىمەن ەلدى جۇمىسپەن قامتۋ ءۇشىن باعىتتالعان قارجىنىڭ باسىم بولىگى ۋاقىتشا ەڭبەك ورىندارىن اشۋعا كەتكەن. كوبىنە ءبىر جانە ءۇش اي ارالىعىنداعى جۇمىس ورىندارى. ەسەپ كوميتەتىنىڭ جەتەكشىسىنىڭ سوزىنە سەنسەك، مينيسترلەر كابينەتى «مەملەكەتتىك رەسۋرستاردى بوسقا ىسىراپ ەتپەۋگە ارنالعان» تالاپتار بەكىتىپ، شارا قابىلداعان. دەسە دە ەكونوميست ساراپشىلار مەن ازاماتتىق قوعام بەلسەندىلەرى، ازاماتتار جۇمىسسىزدىقتىڭ رەسمي كورسەتكىشى شىنايى جاعدايدان الدەقايدا الشاقتىعىن ايتادى. پاندەميا باستالعالى بىرنەشە ميلليونداعان قازاقستاندىق تابىسىنان قاعىلىپ، ۇكىمەتتىك جاردەماقىعا سۇرانىس بەرگەن. سودان بەرى دە جۇرتتىڭ الەۋمەتتىك جاعدايى وڭالا قويعان جوق.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى